دخپریدو نیټه :يکشنبه ۱ دلو ۱۳۹۶ ساعت ۱۴:۰۴
د مطلب کود : 156751
د افغانستان د بهرنيو چارو وزیر بلخ ته رسېدلى دى

د افغانستان د بهرنيو چارو وزیر صلاح الدین رباني د ولسي جرګې له ځينو وکيلانو سره د بلخ د پخواني والي عطا محمد نور پر برخليک د بحث لپاره بلخ ته رسېدلى دى.

 په دغه ډله کې د جمعيت اسلامي ګوند د رهبرۍ شورا ځينې غړي هم شامل دي.

د بلخ د ولايتي شورا رئيس افضل حديد تېر ماښام ازادي راډيو ته وويل، دغه هيئت د بلخ له ولايته د عطا محمد نور پر لېرې کېدو يا هم پاتې کېدو بحث پيل کړى دى.

هغه وويل چې دغه هيئت به د افغان حکومت او د بلخ د پخواني والي ترمنځ پر روانه لانجه خبرې وکړي.

د کابل لپاره د امريکا نوي سفير جان باس تېره پنجشنبه په کابل کې خبريالانو ته وويل، د بلخ والي دې واک په سوله‎ييز ډول انتقال کړي او په ټولنه کې اضافي تاوتريخوالي ته اړتيا نه‎شته.

سرچينه : د صدای افغان خبری آژانس(آوا)
https://avapress.com/vdcamin6649nm01.hxk4.html
تبصره پوسټ کړئ
ستاسو نوم
ستاسو دبرېښنا ليک پته