دخپریدو نیټه :پنجشنبه ۸ عقرب ۱۳۹۳ ساعت ۱۸:۰۴
د مطلب کود : 101347
آرشیف
آرشیف
د افغانستان جمهور رییس ډاکټر محمد اشرف غني د چین د ولسي جمهوریت د پارلمان له رییس ژان دو ژیانګ سره وکتل.
په دغه کتنه کې چې پرون ماښام د چین د خلکو په ستر سالون کې ترسره شوه، د چین د پارلمان رییس د دواړو هېوادونو د پارلمانونو ترمنځ د اړیکو د ټینګښت غوښتنه وکړه او هغه یې د دواړو پارلمانونو ترمنځ د تجربو د تبادلې لپاره مناسب فرصت وباله.
نوموړي د دې ترڅنګ چې د دواړو هېوادونو ترمنځ د دوستۍ د پیاوړتیا او د فرهنګي اړیکو د پراختیا غوښتنه وکړه، په افغانستان کې یې د چینایي پانګوالو د امنیت مسله مهمه وبلله، وې ویل چې موږ له مالي او د توان له پلوه ستونزه نه لرو، خو چینایي شرکتونو ته د کاري چاپیریال د برابرولو په برخه کې د افغانستان همکاري غواړو.
د افغانستان جمهور رییس ډاکټر محمد اشرف غني د افغانستان او چین د پارلمانونو ترمنځ په بېلابېلو برخو کې د تجربو له تبادلې څخه هرکلی وکړ او د افغانستان د ملي شورا په استازیتوب یې هغه ته بلنه ورکړه چې په یوه مناسب وخت کې افغانستان ته سفر وکړي.
ډاکټر غني همدا راز د اصلاحاتو د راوستلو، د افغانستان د زیربنایي ملي پلان او په افغانستان کې د امنیتي حالت د ښه والي په خاطر د افغانستان د نوي حکومت د جدي تصمیم په اړه د چین د پارلمان رییس ته معلومات ورکړل.
جمهور رییس سوله یوه مهمه اړتیا وبلله، وې ویل چې د ملي وحدت حکومت په افغانستان کې د سولې ټینګښت ته ژمن دی او په دې برخه کې د چین د رغنده رول غوښتونکی دی.



--
--
سرچينه : د صدای افغان خبری آژانس(آوا)
https://avapress.com/vdcba8b8zrhbgfp.q3ur.html
تبصره پوسټ کړئ
ستاسو نوم
ستاسو دبرېښنا ليک پته