د افغانستان د اسلامي جمهوریت جمهور رئیس محمداشرف غني نن ماسپښین د هېواد له یو شمېر ملي تاجرانو او پانګوالو سره په ارګ کې وکتل.
په دې کتنه کې چې د جمهور رئیس اقتصادي سلاکار حضرت عمر زاخېلوال هم حضور درلود، د افغانستان د سوداګرۍ خونې مرستیال د سوداګرو په استازیتوب خبرې وکړې. په هېواد کې د سوداګري د وضعیت په هکله یې جمهور رئیس ته خپل وړاندیزونه او نظریات وړاندې کړل.
جمهور رئیس محمداشرف غني د نظریاتو او وړاندیزونو له اورېدلو وروسته په هېواد کې د سوداګرۍ مسایلو ته په اشارې وویل، د افغانستان تاجران او پانګوال د ملي یووالي ممثل دي او د ملي اقتصاد او هوساینې په وده کې مهمه ونډه لري.
د هېواد جمهور رئیس د کندز له خلکو سره د تاجرانو او خصوصي سکتور مرستې وستایلې او زیاته یې کړه، ملي تاجرانو تل په سختو شرایطو کې د وطندوستي د حس پر بنسټ له خلکو سره مرستې کړې دي او خپله دیني او ملي دنده یې ترسره کړې ده.
جمهور رئیس غني د هوایي ډګرونو په هکله وویل، حکومت لازم تدابیر په پام کې لري، چې د سوداګري وضعه ښه شي او د هوایي ډګرونو له لارې د سوداګریزو مالونو په لېږد کې لازمې اسانتیاوې رامنځته شي. هغه زیاته کړه، چې دا تدابیر کېدای شي په راتلونکي د پانګونې وضعیت ښه کړي.
جمهور رئیس د هرات د سلما بند په هکله وویل، دا بند ۶۰ ملیونه متر مکعب اوبه زېرمه کوي، چې د ځمکو د خړوبولو تر څنګ بزګرو ته د کار زمینې هم برابروي. هغه زیاته کړه، چې د هرات او بلخ ولایتونه په راتلونکي کې د اورګاډي کرښې په دو سیستمونو وصلېږي چې ښایي د سوداګري د وضعیت په ښه والي کې مهم رول ولري.
جمهور رئیس د دې کتنې په پای کې وویل، د خصوصي سکتور له هرې برخې سره جلا جلا ګورم او راتلونکې اونۍ به لویه اقتصادي غونډه جوړه شي، تر څو خلک د سوداګرۍ له وضعیت څخه خبر شي.#
په دې کتنه کې چې د جمهور رئیس اقتصادي سلاکار حضرت عمر زاخېلوال هم حضور درلود، د افغانستان د سوداګرۍ خونې مرستیال د سوداګرو په استازیتوب خبرې وکړې. په هېواد کې د سوداګري د وضعیت په هکله یې جمهور رئیس ته خپل وړاندیزونه او نظریات وړاندې کړل.
جمهور رئیس محمداشرف غني د نظریاتو او وړاندیزونو له اورېدلو وروسته په هېواد کې د سوداګرۍ مسایلو ته په اشارې وویل، د افغانستان تاجران او پانګوال د ملي یووالي ممثل دي او د ملي اقتصاد او هوساینې په وده کې مهمه ونډه لري.
د هېواد جمهور رئیس د کندز له خلکو سره د تاجرانو او خصوصي سکتور مرستې وستایلې او زیاته یې کړه، ملي تاجرانو تل په سختو شرایطو کې د وطندوستي د حس پر بنسټ له خلکو سره مرستې کړې دي او خپله دیني او ملي دنده یې ترسره کړې ده.
جمهور رئیس غني د هوایي ډګرونو په هکله وویل، حکومت لازم تدابیر په پام کې لري، چې د سوداګري وضعه ښه شي او د هوایي ډګرونو له لارې د سوداګریزو مالونو په لېږد کې لازمې اسانتیاوې رامنځته شي. هغه زیاته کړه، چې دا تدابیر کېدای شي په راتلونکي د پانګونې وضعیت ښه کړي.
جمهور رئیس د هرات د سلما بند په هکله وویل، دا بند ۶۰ ملیونه متر مکعب اوبه زېرمه کوي، چې د ځمکو د خړوبولو تر څنګ بزګرو ته د کار زمینې هم برابروي. هغه زیاته کړه، چې د هرات او بلخ ولایتونه په راتلونکي کې د اورګاډي کرښې په دو سیستمونو وصلېږي چې ښایي د سوداګري د وضعیت په ښه والي کې مهم رول ولري.
جمهور رئیس د دې کتنې په پای کې وویل، د خصوصي سکتور له هرې برخې سره جلا جلا ګورم او راتلونکې اونۍ به لویه اقتصادي غونډه جوړه شي، تر څو خلک د سوداګرۍ له وضعیت څخه خبر شي.#
سرچينه : د صدای افغان خبری آژانس(آوا)