په خوست کې نن سهار اته نیمې بجې د خوست ښار د عسکري کلوپ په سیمه کې ځانمرګی برید شوی دی.
که څه هم تر اوسه سیمه د افغان ځواکونو له لوري محاصره ده، خو عیني شاهدان وايي چې یاده پيښه مرګ ژوبله لري او د پېښې ځای ته یو شمېر امبولانسونه ورغلي د ي.
د خوست د امنیه قوماندانۍ چارواکو ازادي راډیو ته پېشه تائید کړه، خو ويې ویل چې تر اوسه يې د تلفاتو په اړه معلومات نه دي راټول شوي.
دوی زیاتوي، تر اوسه دا هم نه ده معلومه چې دا ځانمرګی برید وو او که موټر بم برید.
خو د پېښې ځای ته نېږدې خلکو ازادي راډیو ته وویل چې ممکن موټر بم برید وي.
تر اوسه د یادې پېښې مسؤلیت کومې وسله والې ډلې پر غاړه نه دی اخیستی.
په دې اړه نور جزئیات وروسته..
سرچينه : د صدای افغان خبری آژانس(آوا)
