په ایران کښې دې درملیزې ټووریزم (سیل او درملنه) لپاره شرایط آسان شي

د ایرنا د راپور  له مخې دغه څرګندونې په ایران کښې د افغانستان سفیر نصیر احمد نور بیګا مازیګر د ایران د مازندران ولایت په آمل کښې  د تخصصي او فوق تخصصي روغتون د پرانیستلو په مهال  وویل  که چیرته  په ایران کښې د درملیز ټووریزم  لپاره د افغانانو شرایط آسان کړاي شي ،نو د کابل حکومت به هم نورو هیوادونو ته د تخصيي درملنې لپاره د ناروغانو د استولو مخنیوی وکړي .
ښاغلي نور  په آمل کښې دغه روغتون چې  د اکو غړو هیوادونو د استازو په شتون سره پرانیستل شو  وویل،د ایران  په بیلابیلو ولایتونو کښې درلیز امکانات خورا  مخ په وده او ښه دي  او افغانستان هم د ایران په روغتونې مرکزونو کښې د افغان ښاریزو درملنه غواړي.
په تهران کښې د افغانستان سفیر زیاته کړه ،  د ایران په روغتونې مرکزونو کښې د درملنې  په اړه کمه اطلاع رسونه ددې لامل شوي،چې زیاتره افغان ناروغان د درملنې لپاره هندوستان او پاکستان ته ولاړ شي  او د طب په برخه کښې د ایران  پرمختګونه نه یوازې د افغانستان بلکه د اکو د درستو غړو هیوادونو درملیزې اړتیاوې پوره کولاي شي .