د کابل امنیتي چارواکي وايي، په کابل ښار کې نن سهار یوې چاودنې دوې مېرمنې وژلې دي.
د صدای افغان خبری آژانس، دغه پېښه د اوبو رسونې ریاست اړوند پر یوه موټر کې د ځای پرځای شوي مقناطسیي ماین د چاودنې له امله رامنځته شوې ده.
په دغه پېښه کې چې په شپاړسمه ناحیه کې د زړو مکرویانو په سیمه کې شوې،دوه ملکي وګړي ټپیان شوي هم دي.
دا په داسې حال کې ده چې د غويي میاشتې پر دیارلسمه د کابل ښار نهمه حوزه کې د عامې روغتیا څلور لارې ته نېږدې انتحاري حمله کې اته تنه ووژل شول او ۲۵ نور ټپیان شول.
د پیښې مسؤلیت تر اوسه کومې ډلې پر ځان نه دی منلی.
سرچينه : د صدای افغان خبری آژانس(آوا)