تاند- د ولسمشرۍ کاندید عبداله عبدالله د انتخاباتو د خپلواک کمیسیون له لوري د ابتدايي پایلو د ځنډېدو هرکلی وکړ، ویې ویل دا به فرصت برابر کړي چې د درغلیو د ادعاوو په اړه څېړنې وشي.
عبدالله عبدالله په کابل کې په خپله کلکه ساتل کېدونکې ماڼۍ کې فرانس پریس خبري اژانس ته وویل چې باید د درغلیو په اړه تحقیقاتو ته وخت ورکړای شي.
ټاکل شوې وه چې د انتخاباتو خپلواک کمیسیون نن /چهارشنبه/ د جوزا د څلرویشتمې نېټې د دوهم ځلي انتخاباتو ابتدايي پایلې اعلان کړي خو کمیسیون پرون وویل چې د شاوخوا ۱۹۰۰محلونو رایې بیا شمېري او د دغو محلونو د رایو په اړه د څېړنو په خاطر د ابتدايي پایلې اعلان ځنډوي.
د انتخاباتو د خپلواک کمیسیون له دې اعلانه وروسته عبدالله فرانس پریس خبري اژانس ته وویل:«اوس د ابتدايي پایلو د اعلان د ځنډېدو له کبله وخت او فرصت شته. موږ د داسي اقداماتو په اړه خبرې کوو چې په وسیله یې څېړنې په قوت سره وشي او د جعلي رایو چاره وشي.»
عبدالله همداراز وویل:«تقریباً هرڅوک موافق دي چې په پراخه پیمانه درغلي شوې ده نو که ناپاکې رایې تصفیه نه شي د انتخاباتو په پایله کې به مشروعیت رامنځته نه شي.»
ده دا هم وویل:«که موږ وایو چې درغلي شوې ده، مقابل لوری هم وايي چې درغلي شوې ده نو ښه دا ده چې ټول لاسونه سره ورکړو او مشکل حل کړو.»
عبدالله عبدالله په کابل کې په خپله کلکه ساتل کېدونکې ماڼۍ کې فرانس پریس خبري اژانس ته وویل چې باید د درغلیو په اړه تحقیقاتو ته وخت ورکړای شي.
ټاکل شوې وه چې د انتخاباتو خپلواک کمیسیون نن /چهارشنبه/ د جوزا د څلرویشتمې نېټې د دوهم ځلي انتخاباتو ابتدايي پایلې اعلان کړي خو کمیسیون پرون وویل چې د شاوخوا ۱۹۰۰محلونو رایې بیا شمېري او د دغو محلونو د رایو په اړه د څېړنو په خاطر د ابتدايي پایلې اعلان ځنډوي.
د انتخاباتو د خپلواک کمیسیون له دې اعلانه وروسته عبدالله فرانس پریس خبري اژانس ته وویل:«اوس د ابتدايي پایلو د اعلان د ځنډېدو له کبله وخت او فرصت شته. موږ د داسي اقداماتو په اړه خبرې کوو چې په وسیله یې څېړنې په قوت سره وشي او د جعلي رایو چاره وشي.»
عبدالله همداراز وویل:«تقریباً هرڅوک موافق دي چې په پراخه پیمانه درغلي شوې ده نو که ناپاکې رایې تصفیه نه شي د انتخاباتو په پایله کې به مشروعیت رامنځته نه شي.»
ده دا هم وویل:«که موږ وایو چې درغلي شوې ده، مقابل لوری هم وايي چې درغلي شوې ده نو ښه دا ده چې ټول لاسونه سره ورکړو او مشکل حل کړو.»
سرچينه : دصدای افغان خبری اژانس(اوا)