افغان حکومت له طالبانو سره د لوړ پوړو بندیانو د تبادلې په اړه خپل چمتوالی اعلان کړ.
د فارس خبری آژانس د راپور سره سم،د افغانستان د فاریاب والی وایی: که طالبان د یو شمېر اسیرو افغان سرتېرو په بدل کې د خپل یوه مهم قوماندان د خوشې کېدو غوښتنه وکړی،نو دوی به په دې اړه غور وکړی.
له دې مخکې په ناتایید شویو راپورونو کې ویل شوی وو چې طالبانو د ۱۳ اسیرو افغان سرتېرو په بدل کې د فاریاب لپاره د طالبانو د نومول شوی والی صلاح الدین د خوشې کېدو غوښتنه کړې وه.
د طالبانو دا قوماندان څه وخت مخکې د افغان ځواکونو په عملیاتو کې نیول شوی و.
د فاریاب والی سید انور سادات وایی چې نوموړی اوس مهال مرکز ته لېږدول شوی.
سادات وایی:که طالبان غوښتنه وکړی نو دوی د صلاح الدین تبادلې ته چمتو دی.