د صهیونیسټ رژیم رسنیو نن چهارشنبه خبر ورکړ چې د اشغال شوی فلسطین په شمال کښې د حزب الله په توغندی حملې کښې د څو پوځیانو په شمول شپږ کسان ژوبل شول.

د رئیس الوزرا د دفتر سیاسي مرستیال د صنایعو او سوداګرۍ له سرپرست وزیر سره په کتنه کې له ګاونډیو هېوادونو سره د سوداګرۍ په برخه کې د انډول پر ساتلو د ټینګار ترڅنګ وویل، د کورنیو تولیداتو د ښه کیفیت په برخه کې باید لا زیاتې هڅې وشي.

د کنړ ولایت د احصایې او اطلاعاتو ریاست مسوولینو په دغه ولایت کې د ۱۴۰۲ کال راهیسې د ۶۸۶۰۷ الکترونیکي او کاغذي تذکرو د وېش اعلان کړی دی.

د رئیس الوزرا اداري مرستيال مولوي عبدالسلام حنفي په اروپا کې د مېشتو افغانانو له استازو سره په کتنه کې له ټولو افغان کدرونو او په بهر کې مېشتو کارپوهانو وغوښتل چې خپل هېواد ته راستانه شي او د دې هېواد په آبادۍ او پرمختګ کې ونډه واخلي.

د فارياب والي وايي چې په فارياب ولايت کې د پرمختيايي پروژو د پلي کولو په مقصد د خصوصي سکټور او د ملي او نړيوالو مرستندويه موسسو په همغږي د فراه ولايت دخلکو لپاره د کار پيدا کولو پلان لري او عملي کيږي .

په کندز ولايت کې د يوې ترافيکي پيښې له امله د دريو وروڼو په ګډون پنځه تنه ووژل شول.

د بلخ ولايت د اطلاعاتو او کلتور رياست مسوولين وايي، چې ۱۹ بهرني سيلانيان د تاريخي او طبيعي ځايونو د ليدو په موخه دغه ولايت ته تللي دي.

د بدخشان ولایت د بهارک ولسوالۍ په یوه کرونده کې د کورنیو جګړو څخه پاتې شوی ماین چاودلی چې له امله یې یو ماشوم وژل شوی او پلار یې ټپي کړی دی.

د غزې د روغتیا وزارت اعلان وکړ چې د اکتوبر له اوومې راهیسې په غزه کې د شهیدانو شمېر ۳۳ زره ۸۴۳ او د ټپیانو شمېر ۷۶ زره ۵۷۵ ته رسېدلی دی

د هرات د اطلاعاتو او کلتور رياست مسوولينو د هرات ښار د پنځمې منارې د پياوړتيا د دويم پړاو د پيل خبر ورکړ.

د کډوالو او راستنیدونکو چارو وزارت اعلان کړی چې په یوه ورځ کې ۵۳ افغان کډوال له پاکستان څخه افغانستان ته په زوره راستانه شوي دي.

د طبیعي پیښو سره د مبارزې وزارت اعلان کړی چې په هیواد کې د وروستیو سیلابونو له امله د مړو شمیره ۶۶ تنو ته لوړه شوې او ۳۶ تنه نور ټپیان شوي دي.

د صهیونیسټ رژیم رسنیو خبر ورکړی دی چې له لبنان څخه د بې پیلوټه الوتکې په برید کښې ددغه رژیم درې پوځیان ژوبل شوی دی.

د اقتصاد وزارت مرستيال ملا عبدالغني برادر د کجکي بند څخه ليدنه وکړه او ويې ويل چې سږ کال په هېواد کې د پرله پسې اورښتونو له امله د اوبو کچه لوړه شوې او د هېواد زياتره بندونه لکه د کجکي بند له اوبو ډک دي. . هغه زياته کړه، چې له دې کار سره به په روان کال کې د کرنې سکتور وده وکړي او په هېواد کې به د برېښنا د توليد کچه هم لوړه شي.

په عمان کې د سختو بارانونو او سیلابونو له امله ۱۷ تنه مړه شوي دي.

د بادغیس سیمه ییز چارواکي وايي، د بادغیس – هرات پر لویه لار د ترافیکي پېښې له امله یو تن وژل شوی او ۲۰ نور ټپیان دي.

د پکتيا له طبيعي پېښو سره د مبارزې رياست چارواکي د دغه ولايت په وزي ځدراڼ ولسوالۍ کې د غره د ښويېدو له امله د يوې کورنۍ د پنځو غړو د وژل کېدو خبر ورکوي.

د سرپرست حکومت د احصایې او معلوماتو ملي اداره وايي، چې افغانستان د ۱۴۰۲ کال په حوت میاشت کې ټولټال ۱۴۱،۱ میلیونه ډالره صادرات کړي، چې د تېر کال په پرتله ۳۲،۹ سلنه کموالی ښيي.

د اسلامي امارت د ملي دفاع وزارت وايي چې کارکوونکو یې د ښځو او ماشومانو په ګډون شل تنه هیوادوال چې په سیلابونو کې بند پاتې وو، ژغورلي دي.

په پکتیا کې د اسلامي امارت د فواید عامې ریاست چارواکو د غره د ښویېدو له امله د ګردیز-خوست لویه لار د تړلو اعلان کړی دی.