د ننګرهار سیمه ییز چارواکي وايي، پاکستان یو ځل بیا د تورخم دروازه د بې ویزې ناروغانو پر مخ تړلې ده.

د فلسطین د روغتیا وزارت اعلان وکړ چې په تیرو ۲۴ ساعتونو کې د غزې په تړانګه کې ۶۸ تنه فلسطینیان وژل شوي او ۹۴ تنه نور ټپیان شوي دي.

د غزني د پاسپورټ دفتر مسوولینو د ۳۲۲۰۵ پاسپورټونو د وېش او له دې برخې څخه د ۱۷۴ میلیونو افغانیو د عوایدو د راټولولو خبر ورکړی دی.

د ملي سټنډرډ اداره وايي چې له حيرتان بندر څخه يې د ټيټ کيفيت لرونکو تېلو دوه واګونونه (۱۲۰ زره لېتره) تیل بېرته مسترد کړي دي.

د ترافيکو د عمومي رياست چارواکي وايي، په هېواد کې د اختر په څلورو ورځو کې د ترافيکي پېښو له امله د ٨ ښځو او ١٣ ماشومانو په ګډون ٥٠ تنه مړه او ١٨٥ نور ټپيان شوي دي.

په کابل کښې د ایران د اسلامی جمهوریت د سفارت مرستیال سید حسن مرتضوی د رئیس الوزرا له سیاسی مرستیال مولوی عبدالکبیر سره په کتنه کښې ټینګار وکړ ایران هیچاته اجازه نه ورکوی چې د اسلامی امارت په خلاف عمل وکړی. 

د کډوالو او راستنیدونکو چارو وزارت له پاکستان څخه د ۱۰۰ څخه د زیاتو افغان مهاجرینو د ویستلو خبر ورکړی دی.

د پروان ولايت د صنايعو او سوداګرۍ رياست مسوولين په دغه ولايت کې د درې ورځني نندارتون د جوړېدو خبر ورکوي او وايي، چې د درېيو ورځو لپاره په کې د کورنيو توليداتو ۱۵۰ غرفې د ليدونکو لپاره نندارې ته اېښودل شوي دي.

د هرات والي او د قزاقستان له سفیر سره وکتل او د سوداګریزو اسانتیاوو د پراختیا، د دواړو هېوادونو د سوداګرو ترمنځ د تبادلې د حجم د زیاتوالي او د ګمرکي تعرفو د کمولو په اړه یې خبرې وکړې.

د غصب شويو ځمکو د غصب د مخنيوي او بېرته راګرځولو کمېسيون چارواکي وايي، چې په هېواد کې د اهل هنود غصب شوې ځمکې تر څېړنې لاندې دي. دوی زیاتوي چې په افغانستان کې له ټولیز امنیت سره یو شمېر اهل هنود کورنۍ هېواد ته راستانه شوي دي.

په سمنګان ولایت کې د اسلامي امارت سیمه ییزو چارواکو د مزارشریف – سمنګان لویه لار چې د سیلابونو او غره له ښویدو وروسته تړل شوې وه، د بیا پرانیستلو خبر ورکړی دی.

د اسلامي امارت د ملي دفاع وزارت د دې وزارت د کارکوونکو لخوا د کندهار – هرات په لویه لار کې په سیلابونو کې بند پاتې موټر او مسافر د ژغورنې اعلان کړی دی.

د افغانستان او قزاقستان د سوداګرۍ خونه په هرات ولایت کې د دواړو هېوادونو ترمنځ د سوداګرۍ د اسانتیا او زیاتوالي په موخه پرانیستل شوه.

حکومتي سرچينې او عيني شاهدان وايي، چې په صياد ولسوالۍ کې د غره د ښويېدو او سېلابونو له امله تېره شپه شاوخوا يوولس بجې د مزارشريف او سمنګان ترمنځ لاره تړل شوې ده.

د افغانستان د پخواني حکومت د سولې د عالي شورا مشر د ایران له خوا پر صهیونیسټ رژیم د حملو ملاتړ وکړ او هغه یې یو دفاعي اقدام وباله. له بلې خوا حامد کرزي ویلي، چې پر اسرائیلي رژیم د ایران برید دفاعي حق دی.

د غزې د روغتیا وزارت اعلان وکړ چې د اکتوبر له اوومې راهیسې په غزه کې د شهیدانو شمېر ۳۳ زره او ۷۲۹ تنو ته رسېدلی او د ټپیانو شمېر ۷۶ زره ۳۷۱ تنو ته رسېدلی دی.

پاکستاني رسنیو خبر ورکړی، چې له دغه هېواد څخه د افغان کډوالو د جبري ایستلو دویم پړاو به په راتلونکو دوو ورځو کې به پیل شي.

د برښنا شرکت وايي، په هېواد کې وروستیو اورښتونو د ناګلو، سروبي او ماهیپر بندونو د برېښنا د تولید د زیاتوالي لامل شوی دی.

د هرات ولایت له طبیعي پېښو سره د مبارزې ریاست چارواکي وايي، په دې ولایت کې د وروستیو اورښتونو او سېلابونو له امله د استوګنې ۲۵ کورونه ویجاړ شوي دي.

د افغانستان د اسلامي ګوند مشر ګلبدین حکمتیار په نیواکي سیمو کښې په هدفونو باندې د ایران د اسلامي جمهوریت د فوځي حملې په غبرګون کښې وویل: د ایران په کونسلګرۍ باندې د حملې په اړه د ایران ځواب د دغه هیواد حق دی او د دغه برید مسوولیت د اسرائیلو د ظالمو واکمنانو او د هغوی د ساتونکو په غاړه دی.