په افغانستان کې د اذربایجان سفیر د عامې روغتیا له سرپرست وزیر سره د کتنې پر مهال وویل، هېواد یې هڅه کوي چې د روغتیا په برخه کې له افغانستان سره په دوامداره توګه همکاري وکړي.

د بهرنیو چارو سرپرست وزیر امیر خان متقي په کابل کې د ایران د اسلامي جمهوریت له ځانګړي استازي او سفیر حسن کاظمي قمي سره په کتنه کې د دواړو هېوادونو اړیکې دوستانه او مثبتې وبللې او د دواړو هېوادونو ترمنځ یې د اړیکو د ښه کېدو غوښتنه وکړه.

د غزې د روغتیا وزارت اعلان وکړ چې په تیرو ۲۴ ساعتونو کښې صهیونیسټ رژیم د غزې په تړانګه کښې ۵ قتلونه وکړل چې په نتیجه کښې یې ۴۸ کسان شهیدان او ۷۹ نور ژوبل شول.

نامعلومو وسله والو د پاکستان په لوېدیځ کې په دوو جلا بریدونو کې د ګمرک اووه کارکوونکي وژلي دي.

د کورنیو چارو وزارت چارواکي وايي، تېر کال په هرات ولایت کې څه باندې ۱۳۰ زره پاسپورټونه وېشل شوي دي.

د کورنیو چارو وزارت چارواکي وايي، په ننګرهار ولایت کې یې د "د "پیمان آیس کریم" شرکت درې کارکوونکي د غلا په جرم ونیول ، دغه کارکوونکي د دغه شرکت د ۴۵۰ زره افغانیو د پیسو د غلا په تړاو نیول شوي دي.

د بدخشان سیمه ییز چارواکي وايي، په تېره یوه میاشت کې په دغه ولایت کې د ترافیکي پېښو په ترڅ کې ۲۲ تنه وژل شوي او ۲۸ نور ټپیان شوي دي.

د افغان پُست دولتي شرکت مسوولینو د دغه شرکت له لوري د خدمتونو د زیاتوالي اعلان وکړ او ویې ویل، چې د اسلامي امارت له جوړېدو وروسته به په ټول هېواد کې ۴۶۴ پوستې له لارې هېوادوالو ته خدمت کوي.

په غور ولایت کې د اسلامي امارت سیمه ییز چارواکي د تاریخي اثارو د لیدنې په موخه دغه ولایت ته د ۱۱ ایټالوي سیلانیانو د سفر خبر ورکوي.

د رئیس الوزرا اداري مرستیال د افغانستان لپاره د اسلامي همکاریو سازمان له ځانګړي استازي سره په کتنه کې د دغه سازمان او اسلامي امارت تر منځ د اړیکو پر لا پراختیا ټینګار وکړ او ویې ویل چې په راتلونکي کې دې د سرپرست حکومت استازي راوبلل شي. 

د کورنیو چارو وزارت سرپرست سراج الدین حقاني په اروپا کې له مېشتو افغان علمي او مدنې کارکوونکو سره په کتنه کې وویل، چې د پوهنې بحث په داخلي مسایل پورې تړلی دی، موږ به یې په خپله ورته زمینه برابره کړو، ځکه دا مسله د زموږ په ماشومانو پورې اړه لري او هیڅوک له موږ څخه ډیر مهربان نه دی.

د لاهور د سوداګرۍ او صنایعو خونې مشر د افغانستان د سوداګرۍ او صنایعو خونې له پلاوي سره په خبرو کې د کابل او اسلام آباد ترمنځ د سوداګرۍ په حجم کې د پام وړ کموالی اعلان کړ.

د کډوالو او راستنیدونکو چارو وزارت له پاکستانه د ۱۵۸ کورنۍ د جبري شړلو خبر ورکړی دی.

د کرنې، اوبولګولو او مالدارۍ وزارت اعلان وکړ، چې د ازبکستان له خوا د ۱۵ ډوله اصلاح شویو تخمونو مرسته افغانستان ته وسپارل شوه.

د بادغیس ولایت د احصایې او اطلاعاتو ریاست چارواکي وايي، تېر کال په دغه ولایت کې ۸۷۶۵۳ کاغذي او برېښنايي تذکرې وېشل شوې دي.

د افغانستان د فوټبال د غوره لیګ درېیم فصل د هېواد له بېلابېلو ولایتونو څخه د دولسو لوبډلو په ګډون پرون شنبه په کابل کې په رسمي توګه پیل شو.

د افغان سرې میاشتې ټولنې د پلازمېنې په روغتونونو کې د زړه د سوري ۱۵ ناروغان د درملنې لپاره معرفي کړي دي.

يو شمېر چينايي سوداګرو د پنجشېر له والي حافظ محمد اغا حکيم سره په کتنه کې په دغه ولايت کې د پانګونې لپاره لېوالتيا څرګنده کړه.

د اسلامي امارت د اطلاعاتو او کلتور وزارت چارواکي وايي، چې د نوي لمریز کال له پیل راهیسې شاوخوا ۵۰۰ بهرنیو ګرځندویانو د هېواد له تاریخي او تفریحي سیمو څخه لیدنه کړې ده.

د افغانستان د ترانسپورت او هوايي چلند وزارت د هوا پېژندنې اداره وايي، سبا (یکشنبه د ثور ۲مه) د افغانستان په ۱۹ ولایتونو کې د واورې او باران د ورېدو امکان شته.