د پاکستان پولیس وايي، د پاکستان په بلوچستان ایالت کې پر یوه مسافر وړونکي بس د نامعلومو وسله والو په برید کې ۱۱ تنه وژل شوي دي.

د خراسان رضوي په ختیځ کې د تایباد د حیواني روغتیا ادارې مشر وايي، تېر کال د دې ولسوالۍ د دوغارون له رسمي پولې څخه و افغانستان ته ۶۴ ټنه حیواني درمل صادر شوي وو.

د کانونو او پټرولیم وزارت ویاند وايي، د شبرغان-مزار شریف د ګازو د لېږدولو د نل لیکې د څه باندې سل کیلومتره غځولو کار ۶۰ سلنه بشپړ شوی دی.

د اسلامي امارت د عدلیې وزارت سرپرست په خپله نوې وینا کې وویل چې موږ د جمهوري ریاست په دوره کې په افغانستان کې د ځمکو د غصب تر ټولو لوړه کچه لیدلې او خبرداری یې ورکړ چې دا وزارت به د ټولو ځمکو د غاصبینو پسې ګرځي.

د قطر په پلازمینه دوحه کې د افغانستان سفارت اعلان کړی چې د دغه سفارت مشر او په دغه ښار کې د اسلامي امارت د سیاسي دفتر مشر هم د اسلامي امارت د سیاسي دفتر د حماس د مشر د اولادونو او لمسیانو د فاتحې په مراسمو کې ګډون وکړ.

د افغانستان د فوټسال ملي لوبډلې چې په تايلند کې د فوټسال په څلور اړخيزه سياليو کې له ګډون وروسته د اسيا د فوټسال له سترو هېوادونو سره يو شمېر دوستانه سيالۍ ترسره کړې، دا ځل په يوه بله دوستانه لوبه کې د چين له ملي لوبډلې سره لوبه ۲-۲ مساوي کړه.

د کورنیو چارو وزارت اعلان کړی چې د هرات ولایت د امنیه قوماندانۍ د عامه امنیت پولیسو یوه پنځه کلنه ماشومه د تښتوونکو له منګولو وژغورله.

د کونړ امنیتي چارواکي وايي، د دې ولایت په چوکي ولسوالۍ کې تېره شپه د امنیتي ځواکونو په ګډو عملیاتو کې د داعش دوه غړي وژل شوي او یو بل ژوندی نیول شوی دی.

د ترکيې پوليس چارواکي وايي، د بالقيسير او اغر په ښارونو کې يې څلوېښت افغان کډوال او دوه ايراني موټر چلوونکي نيولي دي.

د پاکستاني رسنیو د راپورونو له مخې، د بلوچستان په مرکز کوټه کې د شاه نوراني زیارت ته د زیارت کوونکو د یوې لارۍ د چپه کېدو له امله لږ تر لږه ۱۷ کسان وژل شوي او تر ۴۰ ډېر ټپیان دي.

په دوحه کې د سرپرست حکومت د سیاسي دفتر مشر ویلي چې هندوان او سکهان د افغانستان په اقتصاد کې تاریخي رول لري او ویلي یې دي چې اسلامي امارت به د دوی ټولې ځمکې او جایدادونه چې د تېر حکومت پر مهال غصب شوي بېرته ورکړي.

په کونړ ولايت کې د کوچني اختر په لومړۍ ورځ د يو لړ ترافيکي پېښو په پايله کې يو تن مړ او اووه ويشت تنه نور ټپيان شول.

د رئيس الوزرا دفتر سیاسي مرستیال مولوي عبدالکبیر دغه څرګندونې د اختر د لمانځه په مراسمو کې چې په سپېدار ماڼۍ کې د اسلامي امارت د لوړ پوړو غړو او یو شمېر بهرنیو سفیرانو په ګډون ترسره شوې وې وکړې. "اوس، ټول افغانان په افغانستان کې ارام ژوند لري، او زه په بهر کې پر ټولو افغانانو غږ کوم چې افغانستان ته راستانه شي او یو باعزته ژوند وکړي."

د کلیو د بیارغونې او پراختیا وزارت سرپرست ملا محمد یونس اخندزاده په کابل کې د چین له سفیر ژاو شینګ سره د واخان سړک د جوړولو په اړه خبرې وکړې.

د زابل ولایت د کلیو پراختیا او بیارغونې ریاست مسوولینو په دغه ولایت کې د یونیسف ادارې په مالي مرسته د څه باندې اته میلیونه افغانیو په لګښت د اوبو رسولو د یوې شبکې د جوړېدو خبر ورکړ.

په تایباد کې د ایران د اسلامي جمهوریت چارواکو ویلي دي چې د افغانستان له اقتصادي پلاوي سره د دوغارون د پولې د چارواکو د اقتصادي پلاوي له کتنې وروسته له دغې پولې څخه د ایراني بار وړونکو موټرو د ننوتلو د محدودولو پلان لغوه کړ.

د کندز محبس چارواکو د دغه ولایت له مرکزي زندان څخه د ۷ ماشومانو او ۱۹ ښځو په ګډون د ۱۴۵ بندیانو د خوشي کېدو خبر ورکړی دی.

د فلسطین د روغتیا وزارت اعلان وکړ چې د غزې په تړانګه کښې د صهیونیسټی رژیم د جنګ د شهیدانو شمیر ۳۳ زره او ۳۶۰ تنو ته رسیدلی او د زخمیانو شمیر ۷۵ زره ۹۹۳ تنو ته رسیدلی دی.

د پکتيا د امنيې قوماندانۍ چارواکي د دغه ولايت په ډنډ پټان ولسوالۍ کې د ٥٨ پاکستاني وسلو د کشف خبر ورکوي.

د سمنګان ولایت سیمه ییزې سرچینې وايي، د دغه ولایت د مرکز ایبک ښار د خوږیاڼو کلي د ځمکې یوه برخه ناڅاپه ډوب شوې او ۵۰ کورنۍ د خپلو کورونو پرېښودو ته اړې شوې دي.