جواد هجری، سخنگوی والی تخار گفته است که درحوالی ساعت چهار روز گذشته یک درگیری میان قاچاقبران و نیروهای مرزی تاجیکستان در یک بخش مرزی میان دوکشور رخ داد که درنتیجه دو مرزبان تاجیک، کشته شدند.
 
او افزود که درگیری برای چهارساعت ادامه یافت و نیروهای مرزی تاجیکستان بخش‌های از ولسوالی درقد را با موشک‌ها نیز، آماج قرار دادند. 
 
به گفتۀ او بامداد دوشنبه جنگنده خارجی که گمان می‌رود روسی و یا هم جنگنده‌های تاجیکستانی باشند، یک منطقه زیرکنترول طالبان را درولسوالی درقد که درنزدیک مرز با تاجیکستان است، بمباران کردند.
اما تاکنون تلفات برخاسته از این حمله روشن نیست.
به گزارش طلوع نیوز، تاکنون ادعای سخنگوی والی تخار از سوی مقام‌های تاجیکستانی و یا هم روسی، تأیید نشده‌است.