عبدالله عبدالله رئیس اجرایی حکومت وحدت ملی در واکنش به حمله به کاروان موترهای حامل سترجنرال عبدالرشید دوستم، معاون اول ریاست‌جمهوری افغانستان اعلامیه صادر کرد و حمله به کاروان آقای دوستم را شدیدترین الفاظ محکوم کرد.
به گزارش خبرگزاری آوا، کاروان موترهای حامل جنرال دوستم بعد از ظهر دیروز هنگامی که از مزار شریف به سوی جوزجان در حرکت بود، در منطقه شرشر مورد حمله طالبان قرار گرفت.
در همین حال آقای عبدالله گفته است که حمله تروریستان و دشمنان مردم افغانستان را به کاروان موترهای جنرال دوستم، معاون اول ریاست‌جمهوری، با شدیدترین الفاظ محکوم می‌کنیم.
آقای عبدالله گفته است که خوشبختانه در رویداد تروریستی دیروز در مسیر بلخ- جوزجان به معاون اول ریاست‌جمهوری آسیبی نرسید و اما شماری از هموطنان بی‌گناه ما شهید و زخمی شده‌اند.
وی افزوده است که معاون اول ریاست جمهوری، از چهره‌های تأثیرگذار و معتقد به تأمین نظم و امن در کشور است و تروریستان و حامیان‌شان، حضور وی را در افغانستان برتابیده نمی‌توانند و همواره به حملات هراس‌افگنانه مبادرت می‌ورزند که ناشی از ترس و ناتوانی آنان می‌باشد.
رئیس اجرایی کشور برای سترجنرال عبدالرشید دوستم طول عمر، صحت و سلامتی آرزو کرده است
به گزارش خبرگزاری آوا، کاروان موترهای حامل جنرال دوستم بعد از ظهر دیروز هنگامی که از مزار شریف به سوی جوزجان در حرکت بود، در منطقه شرشر مورد حمله طالبان قرار گرفت.
در همین حال آقای عبدالله گفته است که حمله تروریستان و دشمنان مردم افغانستان را به کاروان موترهای جنرال دوستم، معاون اول ریاست‌جمهوری، با شدیدترین الفاظ محکوم می‌کنیم.
آقای عبدالله گفته است که خوشبختانه در رویداد تروریستی دیروز در مسیر بلخ- جوزجان به معاون اول ریاست‌جمهوری آسیبی نرسید و اما شماری از هموطنان بی‌گناه ما شهید و زخمی شده‌اند.
وی افزوده است که معاون اول ریاست جمهوری، از چهره‌های تأثیرگذار و معتقد به تأمین نظم و امن در کشور است و تروریستان و حامیان‌شان، حضور وی را در افغانستان برتابیده نمی‌توانند و همواره به حملات هراس‌افگنانه مبادرت می‌ورزند که ناشی از ترس و ناتوانی آنان می‌باشد.
رئیس اجرایی کشور برای سترجنرال عبدالرشید دوستم طول عمر، صحت و سلامتی آرزو کرده است
