تاریخ انتشار :دوشنبه ۱۹ حمل ۱۳۹۸ ساعت ۱۲:۱۹
کد مطلب : 182874
اخذ امتحان ارزیابی دولتی از 2هزار فارغ‌التحصیل انستیتوت‌های طبی خصوصی در هرات
امتحان ارزیابی فارغ‌التحصیلان رشته‌های طبی از سوی وزارت صحت عامه کشور از دو روز بدین‌سو در ولایت هرات برگزار گردیده است.

به گزارش خبرگزاری آوا، عبدالحكيم تمنا رئيس صحت عامه ولایت هرات در مراسم برگزاری این آزمون، طی سخنانی گفت: طی ٢ روز از فارغ‌التحصیلان ٧ رشته طبی از انستيوت‌های خصوصى در ولایت هرات امتحان گرفته می‌شود.

وی افزود که تعداد اشتراک‌کنندگان این امتحان به ١٨٩٣ نفر می‌رسد كه بيش از ‏٦٠ درصد آن را بانوان تشكيل می‌دهند.

رئیس صحت عامه ولایت هرات علاوه کرد که روز یکشنبه ٩٦٠ نفر از رشته‌های قابلگى و پروتز دندان و امروز روز دوشنبه از ديگر بخش‌های طبی امتحان اخذ می‌گردد.

داکتر تمنا علاوه کرد که نمره معیاری را به دست بیاورند از سوی وزارت صحت عامه کشور، مدرك فراغت داده خواهد شد.

گفتنی است که این امتحان به منظور ارزیابی سطح دانش فارغ‌التحصیلان رشته‌های طبی از سوی وزارت صحت عامه در سرتاسر ولایات کشور برگزار می‌شود.
https://avapress.com/vdchqinzk23n66d.tft2.html
ارسال نظر
نام شما
آدرس ايميل شما