کد QR مطلبدریافت صفحه با کد QR

رئیس جمهور غنی عازم قرقیزستان شد

خبرگزاری صدای افغان(آوا) کابل , 23 جوزا 1398 ساعت 9:36

محمد اشرف غنی رئیس جمهوری اسلامی افغانستان صبح امروز در راس یک هیات عالی رتبۀ دولتی به منظور اشتراک در اجلاس سران سازمان همکاری های شانگهای عازم بیشکیک پایتخت قرقیزستان شد.


رئیس جمهور غنی ضمن سخنرانی در اجلاس سازمان همکاری های شانگهای، در حاشیه این اجلاس با شماری از رهبران و نمایندگان کشورهای عضو این سازمان نیز دیدار خواهد کرد.

قرار است در اجلاس سران کشورهای عضو سازمان همکاری شانگهای در کنار سایر موضوعات روی اقتصاد و صلح در افغانستان بحث شود.

این اجلاس دو روزه  از امروز پنج‌شنبه،  در شهر بشکیک پایتخت قرغزستان آغاز می‌شود.

قرقیزستان، قزاقستان، تاجیکستان، هند، پاکستان، چین و روسیه در سازمان همکاری شانگهای عضویت دارند. افغانستان، ایران، بلاروس و منگولیا اعضای ناظر این سازمان محسوب می‌شوند.
اجلاس گذشته سران کشورهای عضو سازمان همکاری شانگهای در شهر دوشنبه پایتخت تاجیکستان دایر شده بود.


کد مطلب: 186635

آدرس مطلب :
https://www.avapress.com/fa/news/186635/رئیس-جمهور-غنی-عازم-قرقیزستان

آوا
  https://www.avapress.com