سفیر روسیه در کابل از ایجاد گروه بین‌المللی حمایت از روند صلح افغانستان استقبال نمود و آن را یک گام مؤثر در راستای انسجام فعالیت‌های بین‌المللی خواند.

عبدالسلام رحیمی؛  وزیر دولت در امور صلح با الکساندر مانتیسکی سفیر روسیه در کابل، به منظور تبادل نظر روی ایجاد گروه بین‌المللی حمایت از روند صلح افغانستان دیدار کرد.
دفترمطبوعاتی وزارت دولت در امور صلح به آژانس باخترخبرد داد ٬وزیر دولت در امور صلح در این دیدار گفت که گروه بین‌المللی حمایت از روند صلح بنا به هدایت رئیس جمهوری اسلامی افغانستان در راستای تقویت اجماع بین‌المللی روی صلح و انسجام تلاش‌های بین‌المللی در این راستا ایجاد می‌شود.
سفیر روسیه از ایجاد گروه بین‌المللی حمایت از روند صلح افغانستان استقبال نمود و آن را یک گام مؤثر در راستای انسجام فعالیت‌های بین‌المللی خواند.
در گروه بین‌المللی حمایت از روند صلح افغانستان، وزارت دولت در امور صلح به نمایندگی از حکومت رهبری این گروه را به عهده دارد. همچنین امور دارالانشای این گروه از سوی این وزارت پیش برده می‌شود.عبدالخلق