وزارت امور داخله‌ی کشور می‌گوید که 16 نیروی پولیس به‌خاطر غفلت وظیفوی، تعلل در وظایف، سوءاستفاده از صلاحیت وظیفوی و اخذ رشوه به دادستانی عسکری معرفی شده‌اند.

طارق آرین، سخن‌گوی وزارت داخله‌ی کشور امروز (دوشنبه، 12 جوزا) در تویتی گفته است که پرونده‌ی این تعداد نیروی پولیس به دادستانی عسکری ارسال شده است.
براساس گفته‌های او، این نیروهای پولیس براساس شکایت‌های شهروندان در «ولایات مختلف» شناسایی شده‌اند. آقای آرین تأکید کرده است: «رهبری وزارت امور داخله روند اصلاحات ساختاری و رسیدگی به شکایات شهروندان را شدت بخشیده است.»