وزارت کار و امور اجتماعی کشور اعلام کرده است که روز (شنبه، 18اسد) به‌خاطر برگزاری لویه‌ جرگه‌ ی مشورتی صلح، در شهر کابل رخصتی عمومی می‌باشد.

خبرگزاری صدای افغان(آوا)؛ وزارت کار و امور اجتماعی گفته است که لویه‌جرگه‌ی مشورتی صلح، در روزهای جمعه 17 و شنبه 18اسد برگزار می‌شود.

پیشتر صدیق صدیقی، سخن‌گوی ریاست‌جمهوری پیشتر گفته بود که این نشست ممکن است ،سه روز ادامه یابد.

لویه‌جرگه‌ی مشورتی صلح برای تصمیم‌گیری در مورد سرنوشت 400  زندانی گروه طالبان فردا برگزار می‌شود.