وزیر خارجه تاجیکستان روز گذشته (یکشنبه، 3 سنبله) در نشست مجمع سازمان ملل متحد نسبت به فعالیت گروه‌های تروریستی در خاک افغانستان ابراز نگرانی کرده است.

خبرگزاری صدای افغان (آوا): سراج الدین مهرالدین، وزیر خارجه تاجیکستان روز گذشته(3 میزان) در سخنرانی خود درم جمع عمومی سازمان ملل گفته است "افغانستان به سرعت به پناهگاه تروریستان در منطقه مبدل می‌شود".

او می‌گوید:" ما شاهد کار سیستماتیک هستم که بر بنیاد آن به شمول شهروندان کشورهای آسیایی مرکزی، جنگ‌جویان خارجی به شمال افغانستان انتقال داده می‌شوند که هدف آن ایجاد بستر تازه تنش‌ها در نزدیکی مرزهای ما می‌باشد."

پیش از این شهباز شریف نخست وزیر پاکستان نیز در مجمع عمومی سازمان ملل گفته بود که افغانستان به مکان امن تروریستان تبدل شده است.

مقامات حکومت سرپرست در افغانستان ادعای‌های مطرح شده مبنی بر تبدیل شدن این کشور به مکان امن تروریستان را رد کرده و می‌گویند که به هیچ گروه خارجی اجازه فعالیت نظامی در افغانستان داده نمی‌شود.

مولوی امیرخان متقی سرپرست وزارت خارجه حکومت سرپرست گفته که برخی حلقات استخباراتی تلاش دارند تا افغانستان را منزوی کرده و کشور را پناهگاه امن تروریستان به جهان معرفی کنند.