سفیر پیشین قزاقستان در افغانستان طی سخنانی در نشست امنیتی هرات که در دوشنبه، پایتخت تاجیکستان در حال برگزاری است، از آمادگی کشورش برای میزبانی نشست بعدی با حضور افغان‌ها خبر داد.

خبرگزاری صدای افغان (آوا) ـ سرویس سیاسی نظامی: اومیرتای بیتیموف، سفیر پیشین قزاقستان در کابل که امروز (سه‌شنبه، ۸ قوس) در جلسه دوم نشست امنیتی هرات در دوشنبه، پایتخت تاجیکستان سخنرانی می‌کرد، از برگزاری این نشست در آینده نزدیک خبر داده است.

به گفته او، در این نشست وضعیت افغانستان با اشتراک افغان‌ها، نمایندگان کشورهای منطقه و قدرت‌های بزرگ جهانی بررسی خواهد شد.

هنوز زمان دقیق برگزاری این نشست مشخص نشده است.

جلسه دوم نشست امنیتی هرات در  تاجیکستان در حال برگزاری است. در این نشست بیش از ۲۰۰ نماینده‌ از کشورهای مختلف شرکت کرده‌اند.