اداره ملی خط‌ آهن افغانستان اعلام کرده، ملا بخت‌الرحمن شرافت، سرپرست این اداره و هیأت همراهش به‌منظور اشتراک در نشست پروژه افغان-ترانس و گسترش همکاری‌های دوجانبه، به تاشکند پایتخت ازبکستان سفر کرده است.

خبرگزاری صدای افغان (آوا) - کابل: دفتر مطبوعاتی اداره خط‌آهن افغانستان با نشر خبرنامه ای گفته که، قرار است این نشست امروز (دوشنبه، ۳۰ دلو) با اشتراک نماینده‌های افغانستان، پاکستان، ازبکستان و امارات متحده عربی برگزار شود.

پیش از این نیز سرپرست اداره خط آهن افغانستان به شماری از کشورهای همسایه به خصوص جمهوری اسلامی ایران به منظور گسترش همکاری ها سفر کرده است.