تصویب شدن پروژه ترمیم و بازسازی ۶۴ مکتب در سرپل

خبرگزاری صدای افغان(آوا) - وزارت معارف اعلام کرده است که مولوی حبیب‌الله آغا، سرپرست این وزارت، در جریان سفرش به ولایت سرپل، پروژه ترمیم و بازسازی ۶۴ باب مکتب را تصویب کرده است.

به گفته دفتر مطبوعاتی این وزارت، مولوی آغا در این سفر با مولوی محمد رحمانی، رئیس معارف ولایت سرپل، دیدار و گفت‌وگو کرده است.

براساس خبرنامه وزارت معارف، این پروژه که ارزشی برابر با ۵۱۲ هزار دالر دارد، قرار است در ولایت سرپل اجرا شود.

پیش از این نیز وزارت معارف در برخی ولایات کشور مکاتب را ترمیم و بازسازی کرده بود.