(افغان غږ آژانس (آوا 10 میزان 1401 ساعت 9:34 https://www.avapress.com/ps/news/259252/یوناما-د-کاج-پر-ښوونځي-برید-قربانیانو-شمېر-۳۵-تنه-شهیدان-او-۸۲-ټپیان-اعلان-کړ -------------------------------------------------- سرليک : یوناما د کاج پر ښوونځي د برید د قربانیانو شمېر ۳۵ تنه شهیدان او ۸۲ تنه ټپیان اعلان کړ -------------------------------------------------- په افغانستان کې د ملګرو ملتونو د مرستندویه دفتر (یوناما) اعلان کړی، چې د کابل په دشت برچي سیمه کې د کاج پر ښوونیز مرکز په برید کې ۳۵ تنه شهیدان شوي او ۸۲ نور ټپیان شوي دي. متن - منځ : آوا: یوناما پرون (شنبه، میزان ۹) په یوه ټوېټ کې لیکلي، چې د پېښې ډېری قربانیان نجونې او ځوانې ښځې دي.   یوناما ویلي چې د ټولو قربانیانو نومونه باید مستند شي.   د ملګرو ملتونو امنیت شورا هم د دغه ترهګریز برید په اړه غبرګون ښودلی دی.   د ملګرو ملتونو د امنیت شورا غړو د کابل په لویدیځ کې د کج پر ښوونیز مرکز برید غندلی او د دغه برید د عاملینو پر محاکمه یې ټینګار کړی دی.   امنیت شورا په یوه بیان کې دغه برید ترهګریز او وحشتناک بللی او په کلکه یې غندلی دی.   دغې شورا د دغو تروريستي بريدونو د عاملينو، تنظيموونکو، تمويلوونکو او ملاتړ کوونکو په ځواب ورکولو او د هغوى د محاکمې پر اړتيا ټينګار کړى دى.