(افغان غږ آژانس (آوا 27 سنبله 1401 ساعت 15:30 https://www.avapress.com/ps/news/258768/د-تخار-په-خواجه-بهاءالدین-کې-جګړې-پای-هغه-څوک-چې-جنجال-رامنځته-کوي-نیول-کیږي -------------------------------------------------- سرليک : د تخار په خواجه بهاءالدین کې د جګړې پای "هر هغه څوک چې جنجال رامنځته کوي، نیول کیږي" -------------------------------------------------- د تخار په خواجه بهاءالدین ولسوالۍ کې د ځمکې پر سر شخړه د دې ولایت سیمه ییز چارواکي د جګړې ځای ته ورغلي او سیمه ییزو چارواکو دغې ولسوالۍ ته په یوه سفر کې د «جګړې د پای ته رسولو» خبر ورکړی او خبرداری یې ورکړی، هر هغه څوک چې جنجال رامنځ ته کوي، نیول کیژي. متن - منځ : آوا - مزارشریف: محب الله نیکزاد؛ د تخار د والي وياند آوا ته وويل: پرون (شنبه، سنبلي ۲۶) د سرپرست والي او ملکي او نظامي مسوولينو په مشرۍ يو پلاوى د خواجه بهاوالدين ولسوالۍ ګلبهار کلي ته ولاړ او د جګړې له دواړو غاړو سره يې خبرې وکړې.   د هغه په ​​وينا، محمد کاظم طارق؛ په دې کتنه کې دتخار ولايت مرستيال او سرپرست له دواړو لورو څخه ژمنه وکړه چې دا يوه قانوني موضوع ده او دقوم او ژبې په باب خبرې نه کيږي . دا موضوع باید سترې محکمې ته وړاندې شي او د محکمې له پرېکړې سره سم هیڅوک د یو بل پر کور او ځای د تجاوز حق نه لري.   نېکزاد وويل، چې د تخار مرستيال والي د شخړې دواړو غاړو ته خبردارى ورکړى، چې که څوک له دې پرېکړې سرغړونه وکړي، د دې ولسوالۍ د ټاکل شويو امنيه قوماندانانو له خوا به ونيول شي.   دا په داسې حال کې ده، چې له تېرې یوې میاشتې راهیسې د خواجه بهاءالدین ولسوالۍ د ګلبهار کلي د پښتنو او ازبک اوسېدونکو ترمنځ کړکېچ زیات شوی او څو څو ځله د دغو دوو قومونو ترمنځ نښتې شوې دي.   پښتانه ادعا کوي، چې دا سیمه دوی ۱۲۰ کاله وړاندې جوړه کړې وه. خو د دغه کلي ازبک اوسېدونکي وايي چې د دغه کلي اصلي اوسېدونکي دي.   په همدې حال کې د ګلبهار د خواجه بهاوالدین په کلي کې اوسنۍ شخړه د څه باندې سل کورونو او ۸۵۰۰ جریبه څړځای او ځنګلي ځمکې پر سر روانه ده.