(افغان غږ آژانس (آوا 12 سرطان 1398 ساعت 10:45 https://www.avapress.com/ps/news/187721/ارګ-ماڼۍ-حکومت-داسی-سوله-غواړی-چی-د-ټولو-افغانانو-ګټې-په-کې-خوندي-وي -------------------------------------------------- سرليک : ارګ ماڼۍ: حکومت داسی سوله غواړی چی د ټولو افغانانو ګټې په کې خوندي وي -------------------------------------------------- د ولسمشرۍ ماڼۍ ارګ ویاند صدیق صدیقي وایي، افغان حکومت په هېواد کې د یوې داسي سولي غوښتونکی دی چې په کې د افغانستان د ټولو وګړو ګټې خوندي وي. متن - منځ : د ولسمشر ویاند په داسي حال کې دغسې څرګندونې کوي چې، د راتلونکې اونۍ د شنبې او یکشنبې په ورځو د قطر او جرمني هېوادو له لوري په ګډه د سولې د بین الافغاني خبرو تر نوم لاندې غونډه جوړیدونکې ده، خو سره له دې چې دغې ناستې ته ډېرې کمې ورځې پاتي دي، د افغان حکومت له لوري د استازو او یا افغان سیاستوالو نوملړ نه دی خپور شوی، چې ښایي په یاده غونډه کې ګډون وکړي. په ورته وخت کې د ارګ ویاند صدیق صدیقي ویلي، چې د حکومت له ادرسه دغې غونډې ته څوک نه استول کیږي. ده وویل، حکومت د افغان سولې په تړاو د دغسې غونډو له جوړیدو سره مخالفت نه لري، خو افغان ولسمشر دې غونډې ته پوره هېله مند نه دی، د افغانستان حکومت په هېواد کې د داسي یوې سولې غوښتونکی دی چې په کې د ټولو افغانانو ګټې وساتل شي. بل خوا د افغانستان لپاره د امریکا د بهرنیو چار وزارت ځانګړی استازي زلمي خلیلزاد په قطر کې دغې جوړیدونکې غونډې ته خوشبیني ښوولې او دغه غونډه یې د افغانستان سولې پروسې لپاره ګټوره غونډه بللې ده.