(افغان غږ آژانس (آوا 24 سرطان 1398 ساعت 18:28 https://www.avapress.com/ps/news/188405/د-ولسمشرۍ-نوماندانو-او-هغوی-مرستیالانو-باندې-باورلیک-وېش -------------------------------------------------- سرليک : د ولسمشرۍ نوماندانو او د هغوی مرستیالانو باندې د باورلیک وېش -------------------------------------------------- د ټاکنو د خپلواک کمېسیون مشرتابه غړو، د ۱۳۹۸ کال د تلې د شپږمې نېټې د ولسمشرۍ ټاکنو د بهیر د څار په موخه، د ۱۳۹۸ کال د ولسمشرۍ ټاکنو د وروستي نوملړ شاملو نوماندانو او د هغوی مرستیالانو باندې، باورلیکونه ووېشل. متن - منځ : دغه باورلیکونه د هغو ۱۸ نوماندانو او د هغوی مرستیالانو ته ورکړل شوو؛ چې د ۱۳۹۸ کال د ولسمشرۍ ټاکنو په وروستي نوملړ کې شامل وو؛ د دغه باورلیک په ترلاسي، نوماندان کولای شي چې خپل څاروونکي، د ټاکنو له بهیر څخه د څار په موخه، د ټاکنو د لایحو او کړنلارو سره سم وټاکي. د یادولو وړ ده چې دغه راز باورلیکونه د ټاکنو خپلواک کمېسیون، د ټاکنو (د تعدیل شوي) قانون د نولسمې مادې د لومړۍ فقرې د نهم او لسم بند، د حکم پر بنسټ د ټاکنو اړوند ټولو بنسټونو، سیاسي ګوندونو، رسنیو او کتونکو ته ورکول کېږي. دغه غونډه د ۱۳۹۸ کال دچنګاښ په ۲۴ نېټه د دغه کمېسیون د مشرتابه غړو اړوندو رئیسانو، د ولسمشرۍ نوماندانو او هغوی مرستالانو په ګډون د کمېسیون د رسنیو په مرکز کې ترسره شوه.