(افغان غږ آژانس (آوا 13 اسد 1401 ساعت 16:06 https://www.avapress.com/ps/gallery/256652/1/د-عاشورا-غورځنګ-انګیزه-او-درسونه-باید-امام-حسین-ع-په-دریځ-کې-خلکو-ته-بیان-شي -------------------------------------------------- د ایران د البرز ولایت په بختیار سیمه کې د میشتو افغان مهاجرینو د حضرت قمر بنی هاشم (ع) په حسینیه کي د امام حسین (ع) ماتم سرليک : د عاشورا د غورځنګ انګیزه او درسونه باید د امام حسین (ع) په دریځ کې خلکو ته بیان شي -------------------------------------------------- په تهران کښې د تبیان د کلتوری او ټولنیزو فعالیتونو د مرکز د نمایندګۍ د دفتر مشر د حضرت قمر بنی هاشم (ع) په حسینیه کي په مراسمو کي وویل: د امام حسین (ع) د پاڅون پیغامونه او انګېزې په تېره بیا دیني، ټولنیزې، کلتوري او سیاسي انګېزې باید وویل شي. د ماتم په مراسمو کې باید د عاشورا د غورځنګ انګیزه او هغه درسونه چې د بشر جوړونې دغه ستر پوهنتون د نړۍ ټول انسانیت ته ورکوي، باید په ډاګه شي. بحث وشي او دا هڅونې او پیغامونه باید په بنسټیز ډول تشریح شي. متن - منځ : آوا - تهران: حجت الاسلام ډاکټر سید حسن موسوی؛ په تهران کښې د تبیان د ټولنیزو کلتوری فعالیتونو د مرکز د نمایندګۍ د دفتر مشر د محرم د میاشتې په پنځمه ړرځ و  میشتو افغان مهاجرینو ته د ماتم په مراسمو کښې وینا وکړه او د عاشورا او د امام حسین علیه السلام د پاڅون د هدفونو او پیغامونو په اړه خبري وکړي.   هغه په ​​دې خبرې په ټینګار سره چې د عاشورا پوهنتون یوازې د شیعه ګانو لپاره نه دی، ټینګار وکړ هر څوک کولای شي د انسان جوړونې عاشورا پوهنتون څخه ګټه پورته کړي او د ازادۍ، زړورتیا، فضیلت، امانتداري، انسانیت او قربانۍ درسونه زده کړي.   هغه زیاته کړه: د عاشورا او د ابا عبدالله الحسین (ع) په غونډو کښې باید درې مهم محورونه مطرح او وڅېړل شی: لومړی محور؛ د امام حسین (ع) د پاڅون فلسفه او انګیزه. امام په دیني انګیزه سره، چې د دین د احیا او د پیغمبر د سنتو په معنی دی.   په تهران کښې د تبیان د دفتر مسئول د عاشورا د درسونو دوهم محور وباله او زیاته یې کړه: د ماتم په مراسمو کښې باید د هغو درسونو په هکله چې دغه ستر پوهنتون (د عاشورا غورځنګ) نړۍ ته وړاندې کوی، اساسی او مفصل وضاحت او روښانتیا موجوده وی.   "د عاشورا درسونه" د دې پوښتنې په مطرح کولو سره چې "کوم عوامل د دې غمجنې پېښې د رامنځته کېدو لامل شول؟" په همدې حال کې د رسول الله صلی الله علیه وسلم له وفاته نیمه پېړۍ نه وه تېره شوې او ځینې صحابه کرام لا هم ژوندي وو.   هغه د دغه محور په بيانولو کښې څرګنده کړه: پکار ده چې په خطبه کښې دغه محور ته د اهل بيتو او علماو په خطبو کښې پاملرنه وشي او هم هغه احاديث او روايات وڅېړل شي چې د کربلا د پېښې سبب شول. او هغه درسونه زده کړئ چې موږ یې نن ترې زده کولی شو.   هغه وپوښتل چې ولې خپلې سینه وهو او ماتم کوو؟ هغه دوام ورکړ: پورتني درې محورونه باید وڅیړل شي او پوه شو چې ولې ماتم کوو. د حسیني جذبې تر څنګ باید حسیني شعور هم ولرو تر څو زموږ ماتم معنی ولري.   په تهران کښې د تبیان مرکز د نمایندګۍ د دفتر مشر په خواشینۍ سره زیاته کړه: له بده مرغه زمونږ د ټولنې اوسنی بد حالت دادی چې مونږ د عاشورا له مکتب څخه زده کړه نه ده کړې.   هغه د خپلې وینا په یوه بله برخه کښې په ټولنه کښې د اتحاد او اتفاق په ضرورت ټینګار وکړ او وې ویل: د اسلام دښمنان هڅه کوی د مسلمانانو ترمینځ د تفرقې په رامینځته کولو سره خپلو شومو اهدافو ته ورسیږی.   د یادولو وړ ده چې د ایران د البرز ولایت د نصرآباد ولسوالۍ په بختیار کې د حضرت قمر بني هاشم (ع) حسینیه په ایران کې د میشتو افغان مهاجرینو یو له پخوانیو حسینیو څخه دی چې نفوس یې څه باندې دوه زره دی.   د دې کمېټې د مسئول شاه محمد عظيمي په وينا، دوى د ماتم پر مراسمو سربېره، په ټول کال کې ټولنيز او خيريه پروګرامونه هم لري، خو يوه له عمده ستونزو څخه يې د حسينيه ودانۍ د جواز نه شتون دى.   هغه د آوا خبريال ته وويل: سره له دې چې د ایراني چارواکو سره څو څو ځلې د دغې موضوع د حل ژمنه کړې ده. خو تر اوسه دغه ژمنې نه دي پوره شوي.