(افغان غږ آژانس (آوا 7 میزان 1401 ساعت 14:25 https://www.avapress.com/ps/news/259172/افغان-محصلینو-ته-د-پاکستاني-پوهنتونونو-تعلیمي-کڅوړو-استول -------------------------------------------------- سرليک : افغان محصلینو ته د پاکستاني پوهنتونونو د تعلیمي کڅوړو استول -------------------------------------------------- د پاکستان ولسمشر افغان محصلینو ته د هغه هېواد د علامه اقبال پوهنتون د تعلیمي کڅوړو د استولو غوښتنه کړې او ویلي یې دي، چې دغه تعلیمي بسته به افغان هلکان او نجونې په پوهنتونونو کې له زده کړو بې برخې کړي. متن - منځ : آوا - کابل: ډیلی ټایمز د پنجشنبې په ورځ (۷ میزان) راپور ورکړی چې د پاکستان ولسمشر عارف علوی په افغانستان کې د دغه هېواد له نوی سفیر سره وکتل.   په دې کتنه کې د پاکستان جمهور رييس وغوښتل چې افغان هلکانو او نجونو ته د لاهوري د علامه اقبال پوهنتون د تعليمي بستو د استولو غوښتنه وکړي څو د ده په وينا له باکيفيته زده کړو څخه برخمن شي.   هغه وویل چې د پاکستان د لاهوري د علامه اقبال پوهنتون تعلیمي بستې افغان هلکان او نجونې له فزیکي پلوه په پوهنتونونو کې له زده کړو بې برخې کوي.   عارف علوي همداشان د افغانستان او پاکستان ترمینځ د سرحدونو د بازارونو په جوړولو او تنظیمولو باندې هم ټینګار کړی دی څو د مالونو په تیره بیا د خرابو شیانو د تبادلې بهیر چټک کړي.   دا په داسې حال کې ده، چې په هېواد کې د اسلامي امارت له جوړېدو وروسته تر شپږم ټولګي پورې د نجونو ښوونځي تړل شوي او له يو کال وروسته هم د دغو ښوونځيو دروازې د نجونو پر مخ نه دي پرانيستل شوې.