(افغان غږ آژانس (آوا 20 سرطان 1398 ساعت 12:35 https://www.avapress.com/ps/news/188163/مارکوس-پوتزل-بین-الافغانی-غونډی-دوهمه-مرحله-د-لاسته-راوړنو-ډکه-وي -------------------------------------------------- سرليک : مارکوس پوتزل: بین الافغانی غونډی دوهمه مرحله به د لاسته راوړنو ډکه وي -------------------------------------------------- د افغانستان او پاکستان لپاره د جرمني ځانګړى استازى وايي، په قطر کې «بين‌الافغاني» غونډه د ښکېلو لوريو ترمنځ د اعتماد جوړونې مرحله وه. متن - منځ : مارکوس پوتزل ويلي چې د بين الافغاني غونډې بله مرحله به تر ډېره هر اړخېزه او له لاسته راوړنو ډکه وي. د افغانستان او پاکستان لپاره د جرمني ځانګړي استازي دا خبره پرون د چهارشنبې په ورځ په کابل کې د افغانستان د بهرنيو چارو وزارت له سرپرست وزير صلاح الدين رباني سره په کتنه کې کړې ده. د بهرنيو چارو وزارت په اعلاميه کې ويل شوي چې ښاغلي پوتزل بين الافغاني غونډه چې په دوحه کې د جرمني او قطر په کوربه توب وشوه، د قناعت وړ وبلله. دغه غونډه تېره يکشنبه او دوشنبه وشوه چې په اتو مادو کې د يوه ګډ پرېکړه ليک په خپرولو سره پاى ته ورسېده. په غونډه کې د طالبانو ۱۷ استازو او له کابله یو ۵۳ کسیز پلاوي ګډون کړی و چې حکومتي چارواکي، د ملي شورا او مدني ټولنو ځینې غړي، سياستوال، د رسنیو استازي او ځينې ښځينه فعالانې په کې شامل وو.