(افغان غږ آژانس (آوا 1 عقرب 1398 ساعت 14:27 https://www.avapress.com/ps/news/193799/د-اچین-عملیاتو-کې-۶۲-داعشیان-وژل-شوي-۳۲-ټپیان-او-۳۰۰-ماینونه-خنثی-دي -------------------------------------------------- سرليک : د اچین عملیاتو کې، ۶۲ داعشیان وژل شوي ۳۲ ټپیان او ۳۰۰ ماینونه خنثی شوي دي -------------------------------------------------- متن - منځ : د افغان خبری آژآنس دخبر له مخی، په اچین ولسوالۍ کې یې د عملیاتو په ترڅ کې د داعش ډلې ۶۲ جنګیالي وژلي، ۳۲ نور یې ټپیان کړي خو خپل ۱۰ سرتېري یې هم په جګړه کې وژل شوي دي. د ننګرهار د والي ویاند عطا الله خوږیاڼي اوا +ته وویل، والي شاه محمود میاخېل اچین ولسوالۍ ته سفر کړی او د یوې نیمې میاشتې راهیسې د روانو عملیاتو په ترڅ کې یې د دغې ولسوالۍ امنیتي وضعیت ارزولی دی: (( په دغو عملیاتو کې ۶۲ داعشیان وژل شوي چې زیاتره یې بهرنیان دي، همداراز ۳۲ نور ټپیان دي، زموږ ۱۰ سرتېري هم په شهادت رسېدلې او ۴ نور ټپیان دي.)) نوموړی وايي، په دې عملیاتو کې د داعشیانو ۳۰۰ ماینونه کشف او خنثی شوي دي. د سیلاب قول اردو قومندان عبدالهادي ترین بیا وايي، د دغو عملیاتو په ترڅ کې یې ګڼې سیمې له داعشیانو پاکې کړې دي او له دې وروسته به څو بېزونه او پوستې هم واچوي تر څو داعشیان بیا راونه ګرځي.