(افغان غږ آژانس (آوا 29 سنبله 1401 ساعت 12:22 https://www.avapress.com/ps/news/258832/ایران-په-افغانستان-کې-داخلي-پوځي-کړکېچ-د-یوه-ټول-شموله-حکومت-جوړېدو-مخه-نیسي -------------------------------------------------- سرليک : ایران: په افغانستان کې داخلي پوځي کړکېچ د یوه ټول شموله حکومت د جوړېدو مخه نیسي -------------------------------------------------- د ايران د بهرنيو چارو وزارت وياند په پنجشير کې د وروستيو پېښو په اړه وويل، چې دغه پوځي او داخلي شخړې په هېواد کې د يوه ټول شموله حکومت د جوړېدو مخه نيسي. متن - منځ : آوا: د ایران دولتي خبري آژانس د سنبلې په ۲۸ مه خبر ورکړ، چې د ایران د بهرنیو چارو د وزارت ویاند ناصر کنعاني دغه څرګندونې د یوې پوښتنې په ځواب کې وکړې، چې د ډزو په تړاو د خپرې شوې ویډیو سره تړاو لري چي  په پنجشېر کې د اسلامي امارت له لوري د جنګي بندیانو وژل څرګندوي.   د ایران د بهرنیو چارو د وزارت ویاند ویلي دي چې دغه هیواد په افغانستان کې د هیڅ ډول نظامي ځواکونو ملاتړ نه کوي.   کنعاني ټینګار وکړ چې د اسلامي امارت او د هغوی له مخالفینو سره د ایران اړیکه لري.   دا په داسې حال کې ده چې د اسلامي امارت د ځواکونو له خوا د پنجشیر د بندیانو د ویشتلو په اړه په ټولنیزو رسنیو کې د کلیپونو له خپریدو وروسته د ملي دفاع وزارت ویاند په دې اړه د تحقیقاتو اعلان وکړ. هغه ټینګار وکړ چې که دا ادعا ثابته شي، عاملین به یې ونیول شي او د قانون منګولو ته به وسپارل شي.