(افغان غږ آژانس (آوا 8 جوزا 1399 ساعت 13:26 https://www.avapress.com/ps/news/210899/هېواد-کې-د-کرونا-ویروس-مثبتې-پېښې-له-۱۳-زرو-زیاتې-شوې -------------------------------------------------- سرليک : هېواد کې د کرونا ویروس مثبتې پېښې له ۱۳ زرو زیاتې شوې -------------------------------------------------- د عامې روغتیا وزارت د مالوماتو له مخې تېرو ۲۴ ساعتونو کې د هېواد په کچه د کرونا ویروس ۵۸۰ مثبتې پېښې کتل شوې دي. متن - منځ : د عامې روغتیا وزارت د مالوماتو له مخې د تازه خپرو شویو شمېرو سره هېواد کې ټولې مثبتې پېښې ۱۳۰۳۶ ته ورسېدې. د یوۍ تېرې اوونۍ په څېر کابل کې بیا د کرونا ویروس لوړ شمېر مثبتې پېښې ثبت شوي چې ۳۲۲ پېښې دي. کابل پیسې بیا هرات کې ډېرې مثبتې پېښې ثبت شوې دي چې د تېرو څلرویشتو ساعتونو شمېر یې ۱۳۹ دی. دعامې روغتیا وزارت تازه ۵۸۰ اعلان شوي شمېرې یوازې په ۸ ولایتونو کې مثبتې پېښې ښیې. د کرونا ویروس نورې مثبتې پېښې ۲۲ بلخ، ۲۰ پکتیا، ۱۴ پروان، ۲۱ فراه، ۲۷ پنجشېر او ۱۵ هم فاریاب کې ثبت شوې دي. د عامې روغتیا وزارت وايي چې تېره شپه ورځ کې د کرونا ویروس له کبله ۸ تنه مړه شوي او ۶۵ نور روغ شوي هم دي. له دې سره هېواد کې د کووید نوولس ناروغۍ له کبله د ټولو مړو شویو کسانو شمېر ۲۳۵ او د ټولو روغو شویو ۱۲۰۹ تنو ته رسیږي. په همدې حال کې د عامې روغتیا وزارت مرستیال، وحید مجروح هېواد کې د کرونا ویروس د مثبتو پېښو زیاتوالي سره وايي چې ۴۰ سلنه پېښې تېرو لسو ورځو کې ثبت شوې دي.