(افغان غږ آژانس (آوا 5 میزان 1401 ساعت 11:10 https://www.avapress.com/ps/news/259067/مولوي-عبدالسلام-حنفي-د-بدخشان-له-والي-او-امنیه-قوماندان-سره-وکتل -------------------------------------------------- سرليک : مولوي عبدالسلام حنفي د بدخشان له والي او امنیه قوماندان سره وکتل -------------------------------------------------- مولوي عبدالسلام حنفي؛ د رئیس الوزرا اداري مرستيال له مولوي عبدالغني؛ د بدخشان والي سره لیدنه وکړه. متن - منځ : آوا: د اسلامی امارت ویاند تیره شپه (دوشنبه د میزان ۴مه) د یوې اعلامیې په خپرولو سره ویلی چې: د یاد وزارت اداري مرستیال د بدخشان له والي مولوي عبدالغني سره وکتل.   په اعلامیه کې راغلي: "په دې غونډه کې مولوي حنفي د هېواد د شل کلن اشغال په وړاندې په جهاد کې د ټولو مجاهدینو په ځانګړي ډول د بدخشان ولایت د مجاهدینو سرښندنې او قربانۍ ته اشاره وکړه".   ده وويل چې دبدخشان ولايت خلکو دهېواد داشغال په وړاندې په جهاد کې بې ساري تاريخ تېر کړى دى او ددوى هڅې بايد د قدر وړ وي .   دبهرنیو چارو وزارت اداري مرستیال زیاته کړه چې اړتیا ده چې داسلامي امارت مسؤلین دامنیت په تامین، خلکو ته دخدمتونو په وړاندې کولو او د هغوی د راضي کولو په برخه کې له هیڅ راز هڅو څخه دریغ ونه کړي.   د بدخشان ولایت سیمه ییزو چارواکو هم د دغه ولایت د ټولنیز، اقتصادي، امنیتي او حکومتوالۍ وضعیت په اړه راپور وړاندې کړ او ویې ویل چې په دغه ولایت کې امنیتي وضعیت د قناعت وړ دی او همدارنګه په دغه ولایت کې د اسلامي امارت مجاهدین لوړ روحیه لري. مورال او د امنیت، هوساینې او خلکو ته د خدمتونو د وړاندې کولو لپاره خپلې ټولې هڅې په کار اچوي.