(افغان غږ آژانس (آوا 23 جدی 1397 ساعت 16:43 https://www.avapress.com/ps/news/177789/معترضینو-په-تخار-کې-د-ولایت-مقام-ګډون-یو-شمېر-ادارو-دروازې-تړلي -------------------------------------------------- سرليک : معترضینو په تخار کې د ولایت د مقام په ګډون د یو شمېر ادارو دروازې تړلي -------------------------------------------------- په تخار ولایت کې له څوارلس ورځو راپدیخوا د ولایت مقام او د یو شمېر دولتي ادارو دروازه د معترضینو لخوا تړل شوې او د تخار اوسیدونکي له نوماندانو، د هغو له ملاتړ کوونکیو او سیمه ییزې ادارې غواړي، چې د دې کار مخه دې ونیول شي. متن - منځ : په تخار کې له یوې میاشتي راپدیخوا د نوماندانو اعتراضونه روان ساتل شوي؛ خو ۱۴ ورځې کیږي، چې دوی د ټاکنیزو کمیسیونو او یو شمېر دولتي ادارو دروازې تړلې دي. معترض نوماندان وایي؛ ترهغې، چې د دوی غوښتنې ونمنل شي اعتراضونه به یې روان وي. معترض نوماندان او د هغو ملاتړي د بایومتریک او غیر بایومتریک رایو د بېلولو غوښتنه راپورته کړې ده. د تخار اوسیدونکي اندېښمن شوي او وایي، چې د لارو او ولایتي ادارو بندیدل د خلکو عادي ژوند اغېزمن کړی دی. ټاکل شوې وه، چې د یکشنبې پر ورځ د سیمه ییزو مسوولینو په منځګړیتوب د نوماندانو اعتراضونه پای ته ورسیږي، لارې او د دولتې ادارو دروازې خلاصي شي؛ خو سیمه ییز مسوولین وایي، چې د نوماندانو د غوښتنو منل زمونږ له وسې پورته ده او په دې اړه دې مرکزي حکومت پرېکړه وکړي. نوماندان، چې په تخار کې د دواړو کمیسیونونو د مسوولینو د ګوښه کیدو او بایومتریک رایو د جلا کیدو غوښتونکي دي او خبرداری ورکوي؛ ترهغې، چې غوښتنې یې ونه منل شي اعتراضونه به یې روان وساتل شي.