(افغان غږ آژانس (آوا 29 عقرب 1401 ساعت 12:22 https://www.avapress.com/ps/news/261181/صادق-خان-او-د-صحت-سرپرست-وزير-ملاقات-پاکستان-هغو-روغتونونو-مالي-ملاتړ-ته-دوام-ورکوي-چې-دوی-یې-جوړ-کړي-دي -------------------------------------------------- سرليک : صادق خان او د صحت سرپرست وزير ملاقات/ پاکستان د هغو روغتونونو مالي ملاتړ ته دوام ورکوي چې دوی یې جوړ کړي دي -------------------------------------------------- د افغانستان لپاره د پاکستان ځانګړي استازي د یوه ټویټ په خپرولو سره د عامې روغتیا له سرپرست وزیر قلندرعباد سره د لیدنې خبر ورکړی دی. نوموړي په خپل پيغام کې ليکلي، چې په دې ليدنه کې يې په افغانستان کې د جوړو شويو روغتونونو لپاره د خپل هېواد پر مالي ملاتړ ټينګار وکړ. متن - منځ : آوا: د افغانستان لپاره د پاکستان ځانګړي استازي صادق خان تېره شپه په خپل ټویټر کې لیکلي، چې پرون شنبه (عقرب ۲۸) یې په اسلام آباد کې له قلندرعباد او ورسره پلاوي سره کتلي.   په دې غونډه کې صادق خان وویل چې د خیبر پېښور طبي پوهنتون به په افغانستان کې طبي ښوونځي جوړ کړي ترڅو هېواد د روغتیايي خدمتونو په برخه کې پر ځان بسیا شي.   نوموړي زیاته کړه، چې دغه پوهنتون سلګونه افغان ډاکټران روزلي دي.   صادق خان همداراز ټینګار کړی چې پاکستان به په افغانستان کې د جوړو شویو روغتونونو مالي ملاتړ ته دوام ورکړي.