(افغان غږ آژانس (آوا 29 دلو 1398 ساعت 14:39 https://www.avapress.com/ps/news/203771/حماس-د-اسرائيلي-پوځیانو-تیلیفونونه-هک-کړل -------------------------------------------------- سرليک : حماس د اسرائيلي پوځیانو تیلیفونونه هک کړل -------------------------------------------------- داسرائیل پوځ وايي د فلسطینۍ ډلې حماس غړو د "پېغلو" په بڼه ځان ښکاره کولو له لارې د دوی د لسګونه پوځیانو ځیرک ټلفونونه هک کړي دي. متن - منځ : د پوځ یوه ویاند ویلي سرتېرو ته د ځوانو ښځو جعلي انځورونه استول شوي، له دې لارې هغوی د یوه اپ ډانلوډ کولو ته هڅول شوي، خو دا سرتیري نه پوهېدل چې د دې اپ له لارې د هغوی ځيرک تیلیفونونو ته لار موندل شوې ده. دې ویاند وویل د دې چل له ناکامولو وړاندې " د پام وړ مالوماتو ته لاس رسی" نه دی شوی. حماس او اسرائیل یو بل ته د وژونکي غلیم په سترګه ګوري. د غزې تړانګه اوس د حماس په واک کې ده. په تېرو څو کلونو کې دا دریم ځل دی چې د حماس ډلې له خوا هڅه کیږي چې د اسرائيلي پوځیانو تیلیفونونو ته لار ومومي، خو ډګرمن جاناتن کانریکس وايي دا ځل د اسرائيلي پوځیانو پر تیلیفونونو برید ډیر پرمختللی و.