(افغان غږ آژانس (آوا 25 عقرب 1398 ساعت 14:55 https://www.avapress.com/ps/news/195744/د-داعش-ډلې-تسلیم-شویو-جنګیالیو-شمېر-۶۱۵-تنو-ته-ورسېد -------------------------------------------------- سرليک : "د داعش ډلې د تسلیم شویو جنګیالیو شمېر ۶۱۵ تنو ته ورسېد" -------------------------------------------------- ملي دفاع وزارت په یوې خبرپاڼه کې چې نن شنبې خپره شوې ویلي چې په ننګرهار کې د داعش ۶۱۵ جنګیالي د خپلو کورنیو له غړو سره تسلیم شوي دي. متن - منځ : په خبرپاڼه کې همدارنګه راغلي دي چې په ننګرهار کې د ترهګرو په وړاندې د امنیتي او دفاعي ځواکونو د عملیاتو له زیاتېدو سره، تېره شپه ۱۸ داعش جنګیالي له ۲۴ ښځو او ۳۱ ماشومانو او ۱۵ میله کلاشینکوف سره په اچین ولسوالۍ کې ملي ځواکونو ته تسلیم شوي دي. د دغه وزارت په وینا، په ننګرهار کې تراوسه ۶۱۵ داعش جنګیالي د کورنیو له غړو سره ملي پوځ ته تسلیم شوي دي چې دا بهیر له دوه اوونیو راهیسې دوام لري.