(افغان غږ آژانس (آوا 11 میزان 1398 ساعت 12:11 https://www.avapress.com/ps/news/192512/د-دیني-اماکنو-اومدرسوجوړېدل-دولایتي-ادارې-په-کاري-لومړیتونو-کی-ځای-لری -------------------------------------------------- سرليک : د دیني اماکنو اومدرسوجوړېدل دولایتي ادارې په کاري لومړیتونو کی ځای لری -------------------------------------------------- د دیني اماکنو اومدرسوجوړېدل دولایتي ادارې په کاري لومړیتونو کی ځای لری متن - منځ : دغه څرګندونی کندهار والی حیات الله حیات په ولایت مقام کی دولسوالانو سره د غونډی پر مهال وکړې او د جمهوری ریاست له لوری د نوو جوړېدونکو جوماتونو په اړه یې له دوی سره معلومات شریک کړل. دغونډی په پیل کی کندهار والی حیات الله حیات د جوماتونو، دینی اماکنو او مدرسو جوړول د ولایتی ادارې اساسی کاری لومړیتوب یاد کړ او د جمهوری ریاست له لوری یې د نوو جوړېدونکو جوماتونو اقدام وستایه. ښاغلی حیات وویل؛ د ولایتی ادارې او علمای کرامو ترمنځ نژدې اړیکې د دې لامل سوی، چی د جمهوری ریاست په خاصه پېرزوینه په کندهار ښار کی د لوی جامع جومات ترڅنګ په ځینو ولسوالیو کی یو شمېر نور جامع جوماتونه هم جوړ کړل سی. د کندهار والی په وینا؛ دغه جوماتونه په څو ولسوالیو کی جوړېږی؛ خو ډاد یې څرګند کړ، چی مرکزی اداره په ټولو ولسوالیو کی د جوماتونو او مدرسو د جوړېدو پلان لری. کندهار والی یادونه وکړه؛ د هر جومات په جوړیدو سره په ټولنه کې د انفرادی او ټولنیزې اصلاح بنسټونه پیاوړی کیږی او ولس ته د ژوندانه په هره برخه کې د اسلامی لارښوونو په رڼا کې پیغامونه استول کیږی. د ښاغلی حیات په خبره؛ ولایتی اداره هڅه کوی، چی د علمای کرامو او دولت ترمنځ واټن کم او د ګډ کار په مرسته اسلام پالنی او د دینی اماکنو پراختیا ته دوام ورکړی. ښاغلی حیات دینی علما د دین ستنی او د ټولنی د اصلاح یوازینی موثر قشر وباله او غوښتنه یې وکړه، چی دوی دی له دولت سره د امنیت، سولی، د پروژو په تطبیق او د عمومی نظم په تامین کې خپله همکاری زیاته کړی؛ څو ټول ولسونه له مساوی خدمتونو برخمن کړل سی. ښاغلی حیات له ولسوالانو وغوښتل، چی د نویو جوړېدنکو جوماتونو لپاره دی مځکه تثبت کړی، څو ژر تر ژره کار پر پیل سی. ښاغلی حیات دغه راز ولسوالانو ته وویل، چی د ولسی همکاری په مرسته دی، په خپلو سیمو کی د پرمختیایی پرژو او دینی اماکنو جوړېدو ته زمینه برابره کړی، څو ټول ولسونه له موازی خدماتو برخمن کړل سی.