(افغان غږ آژانس (آوا 14 عقرب 1397 ساعت 18:18 https://www.avapress.com/ps/news/173578/په-ارزګان-کې-د-روانو-تاوتریخوالو-اړه-اجرائیه-رئیس-عبدالله-څرګندونې -------------------------------------------------- سرليک : په ارزګان کې د روانو تاوتریخوالو په اړه د اجرائیه رئیس عبدالله څرګندونې -------------------------------------------------- د ملي یووالي حکومت اجرائیه رئیس عبدالله عبدالله وایي په ارزګان کې روانه جګړه قومي نه ده او زیاته یې کړه چې وسله والو طالبانو د وروستیو تاوتریخوالو پړه منلې ده. متن - منځ : ښاغلي عبدالله دغه څرګندونې نن د وزیرانو شورا په غونډه کې د وینا پر مهال وکړې. نوموړی زیاته کړه، چې د ارزګان ولایت پر خاص ارزګان والسوالی د طالبانو د برید په پایله کې خلک بې ځایه شوې او له امله یې ملکي وګړو او پولیسو ته یې مرګ ژوبله اوښتې ده. اجرائیه رئیس عبدالله زیاته کړه، چې د په ارزګان کې د روانو تاوتریخوالو او جګړې په اړه یې د ولسي جرګې له یو شمېر استازو او خلکو سره غږېدلی دی. هغه ومنله چې د خاص ارزګان کې د وضعیت په اړه د حکومت اقدامات په ځنډ ترسره شوي چې له امله یې ځایي خلکو ته ځاني او مالي زیان اوښتی. ښاغلي عبدالله وویل، چې حکومت دې د هغو کسانو د دفاع لپاره چټک ګامونه پورته چې تل یې د سولې او د حکومت په ملاتړ درېدلي دي. دا په داسې حال کې ده چې د ولسمشر دوهم مرستیال سرور دانش تېره اوونی پر امنیتي ځواکونو نیوکه وکړه او ویې ویل چې امنیتي ځواکونه د طالبانو د حملې په وړاندې او د ځایي خلکو د ملاتړ په برخه کې بې تفاوته پاتې شوې او د خاص ارزګان له اوسېدونکو وغوښتل چې د طالبانو په وړاندې له خپل عزت او شرف څخه دفاع وکړي.