(افغان غږ آژانس (آوا 19 حمل 1397 ساعت 14:58 https://www.avapress.com/ps/news/161428/بدخشان-کې-۸-تنه-وسله-وال-وژل-شوی-دی -------------------------------------------------- سرليک : بدخشان کې ۸ تنه وسله وال وژل شوی دی -------------------------------------------------- افغانستان ملی دفاع وزارت ویاند مرستیال محمد رادمنش په وینا، په بدخشان ولایت کې د افغان امنیتی ځواکونو برید په ترڅ کې اته تنه وسله وال وژل شوی دی. متن - منځ : هغه په یو خبری کنفرانس کې وویل، چې د تېرو څلورویشتو ساعتونو په اوږدو کې د امنیتي او دفاعي ځواکونو د عملیاتو او هوایي بریدونو په پایله کې ۲۹ ترهګر وژل شوي دي. هغه زیاته کړه، چې د وژل شویو ترهګرو له ډلې، ۸ ترهګر د بدخشتان د جرم ولسوالۍ په آب راغک او فرغامیر سیمو، ۶ ترهګر د ارزګان په چورې ولسوالۍ، ۶ ترهګر د غزني د قره باغ ولسوالۍ په مرپاتا او پاچګي سیمو، ۵ ترهګر د هرات په چشت ولسوالۍ او ۴ داعشیان د ننګرهار په اچین ولسوالۍ کې وژل شوي دي او په یادو عملیاتو کې ۴ ترهګر ټپیان شوي دي. د جنرال رادمنش په وینا، د ملي اردو د انجنیرۍ ټیم لخوا ۲۰ کړۍ ماینونه چې د ترهګرو لخوا د هیواد په بېلا بېلو سیمو کې ځای پر ځای شوي وو، کشف او شنډ شوي دي. هغه وویل، چې همدا اوس په ۸ ولایتونو کې د امنیتي او دفاعي ځواکونو لخوا ۱۰ تعرضي عملیات روان دي. کومانډو ځواکونو په یو شمېر ولایتونو کې ۶۶ تهاجمي عملیات تر سره کړي او د ترهګرو د پټنځایونو د له منځه وړلو په موخه هم ۱۳ هوایي بریدونه شوي دي.