(افغان غږ آژانس (آوا 1 سنبله 1397 ساعت 17:34 https://www.avapress.com/ps/report/169312/بغلان-ولایت-نهرین-ولسوالۍ-جنایی-مدیر-وسله-والو-مخالفینو-له-لوری-وژل-شوي -------------------------------------------------- سرليک : بغلان ولایت نهرین ولسوالۍ جنایی مدیر وسله والو مخالفینو له لوری وژل شوي -------------------------------------------------- د بغلان د نهرین ولسوالۍ جنايي مدیر د دولت د وسله والو مخالفینو په یوه غلچکۍ حمله کې وژل شوی دی. متن - منځ : د مرکزي بغلان ولسوال خانزاده مظلومیار ازادي وویل چې د نهرین جنايي مدیر په خپل موټر کې له کندز څخه پلخمري ته روان وو چې د مرکزي بغلان په ساحه کې پرې برید وشو. د مظلومیار په وینا په دې پېښه کې د نهرین له جنايي مدیر سره په موټر کې دوه تنه نور سپاره کسان ژوبل شوي دي. د دې حملې مسؤلیت تراوسه پورې چا په غاړه نه دی اخیستی. سره له دې چې وسله والو طالبانو په اختر کې د افغانستان د حکومت د اوربند اعلان ته مثبت ځواب نه دی ویلی، په تېرو دوو ورځو کې د حملو او جګړو راپورونه نه دي ورکړای شوي.