خبرگزاری صدای افغان (آوا) 8 قوس 1401 ساعت 11:45 https://www.avapress.com/fa/news/261615/نشست-امنیتی-هرات-ابراز-نگرانی-تاجیکستان-فعالیت-گروه-های-تروریستی-افغانستان -------------------------------------------------- عنوان : نشست امنیتی هرات؛ ابراز نگرانی تاجیکستان از فعالیت گروه‌های تروریستی در افغانستان -------------------------------------------------- معاون‌ وزارت خارجه تاجیکستان طی سخنانی در دهمین نشست امنیتی هرات با محوریت «نظام سیاسی فراگیر؛ الگوها و نقشه‌ راه» که در شهر دوشنبه، پایتخت این کشور در حال برگزاری است، نسبت به فعالیت گروه‌های تروریستی در افغانستان ابراز نگرانی کرده است. متن : خبرگزاری صدای افغان (آوا) سرویس بین‌الملل: فرهاد سلیم، معاون وزیر خارجه تاجیکستان، امروز (سه‌شنبه، ۸ قوس) در سخنرانی‌اش در نشست امنیتی هرات در شهر دوشنبه، پایتخت تاجیکستان، از افزایش فعالیت‌های تروریستی در افغانستان ابراز نگرانی کرده است. او گفته است: «ما نگران افزایش فعالیت سازمان‌های تروریستی در افغانستان هستیم.» این مقام دولتی تاجیکستان بر تشکیل نظام سیاسی فراگیر در افغانستان برای پایان دادن به منازعه دوام‌دار در این کشور تأکید کرده است. دهمین نشست امنیتی هرات با اشتراک حدود ۲۰۰ نماینده از اروپا، آسیا و امریکا برای اولین بار در خارج از افغانستان در حال برگزاری است.