(افغان غږ آژانس (آوا 2 ثور 1397 ساعت 8:35 https://www.avapress.com/ps/news/162258/سوریې-اړوند-سویډن-ته-د-ملګرو-ملتونو-عمومی-منشی-سفر -------------------------------------------------- سرليک : سوریې اړوند سویډن ته د ملګرو ملتونو عمومی منشی سفر -------------------------------------------------- انتونیو ګوتیرش د ملګرو ملتونو عمومی منشی او د امنیت شورا سفیران سویډن ته د غیری رسمی کاری غونډو لپاره ته تللي. متن - منځ : په ملګرو ملتونو کې د پېرو هېواد استازی او د امنیت شورا مشر ګوستاو میزا-کودرا ویلي چې غونډې به د سوریې د حالاتو په باب د سفیرانو پر دریځ اثر وکړي. په ملګرو ملتونو کې د برېټانیا سفیرې کرن پیرس ټینګار کړی چې دوي به د یوې حل لارې د موندلو لپاره زیاته هڅه وکړي. د سویډن غونډه تر هغه وروسته رابلل شوې چې یوه اونۍ مخکې، امریکا، برېټانیا او فرانسې د سوریې د کیمیاوي وسلو پر تاسیساتو ګډ برید وکړ، څرګنده یې کړه چې د بشارالاسد حکومت په دوما ښار کې پر خلکو کیمیاوي وسلې کارولې دي. سوریې د کیمیاوي وسلو د کارولو ادعا رد کړې ده او د امنیت شورا دایمې غړې او د دمشق سیاسي او پوخي ملګرې روسیې پر سوریې برید غندلی دی.