(افغان غږ آژانس (آوا 2 قوس 1401 ساعت 13:03 https://www.avapress.com/ps/news/261366/د-افغانستان-او-پاکستان-ترمنځ-سرحدي-کړکېچ-حل-لپاره-ګډ-پولې-کمېټه-جوړول -------------------------------------------------- سرليک : د افغانستان او پاکستان ترمنځ د سرحدي کړکېچ د حل لپاره د ګډ پولې کمېټه جوړول -------------------------------------------------- د اسلامي امارت د ویاند په وینا، اسلامي امارت پلان لري چې له پاکستان سره د وروستیو سرحدي شخړو د مخنیوي او حل په موخه د دواړو هېوادونو له استازو سره ګډه کمېټه جوړه کړي. متن - منځ : آوا: د افغانستان د اسلامي امارت ویاند ذبیح الله مجاهد نن سه شنبه (قوس ۲) وویل چې له پاکستان سره د سرحدي شخړو د مخنیوي لپاره یوه ګډه کمېټه کار کوي.   هغه زیاته کړه چې اسلامي امارت له ګاونډیو هیوادونو سره د سرحدي شخړو مخالف دی.   مجاهد ویلي: د افغانستان اسلامي امارت ژمن دی چې له هیڅ ګاونډي هیواد سره شخړه ونه کړي. د افغانستان خلک په دې وروستیو کې سولې ته رسېدلي دي. موږ نه غواړو د خلکو سوله ګډوډ کړو. په ورته وخت کې موږ غواړو د خپلو پولو او خاورې ساتنه وکړو.   دا په داسې حال کې ده، چې درې ورځې وړاندې په پکتيا کې له پاکستان سره سرحدي شخړه د " کُرم اجنسی " د ځايي اوسېدونکو له خوا پيل شوې وه او بيا د اسلامي امارت د ځواکونو او پاکستاني پوځيانو ترمنځ نښته شوې وه.   د کُرم اجنسی سیمه کې ځايي خلک ادعا کوي چې د ډیورنډ فرضي کرښې په اوږدو کې د اغزن تار لګولو له امله د دوی سلګونه هکتاره ځمکه پاکستان لوري ته پاتې شوې ده. په داسې حال کې چې د افغانستان د اسلامي امارت ځواکونو دوی ته ویلي چې ځمکې د کُرم اجنسی د خلکو په واک کې نه دي.   ویل شوي، چې د دې ستونزې د حل په موخه د دواړو لورو پلاوي سره کتلي، خو تر اوسه کومې وروستۍ هوکړې ته نه دي رسېدلي.   په همدې حال کې یو شمېر رسنیو خبر ورکړی، چې د دفاع وزارت مرستیال ملا فاضل مظلوم له دغې نښتې وروسته د پکتیا ولایت ډنډ پټان ولسوالۍ ته سفر کړی دی. البته لا هم په دې اړه رپوټونه شته چې ایا نوموړی به د دواړو خواوو په غونډه کې ګډون وکړي او که نه.   د نوې جګړې له پیل راهیسې د "خرلاس" دروازه چې د افغانستان او پاکستان تر منځ د سوداګرۍ عمده لار بلل کېږي، تړل شوې ده.   په ډنډ پټان کې د اسلامي امارت د ځواکونو او پاکستاني پوځیانو تر منځ سرحدي نښته په داسې حال کې رامنځ ته شوې، چې څو ورځې وړاندې د سپین بولدک - چمن پر لویه لار د تاوتریخوالي او جګړو له امله دغه لار تړل شوې وه، چې د روانې اونۍ د دوشنبې په ورځ بېرته پرانیستل شوه.