(افغان غږ آژانس (آوا 20 اسد 1397 ساعت 13:54 https://www.avapress.com/ps/news/168702/غزه-کې-د-اسرائیل-په-ډزو-۳-تنه-شهیدان-شوي-۳۰۷-نور-ټپیان-دي -------------------------------------------------- سرليک : غزه کې د اسرائیل په ډزو ۳ تنه شهیدان شوي، ۳۰۷ تنه نور ټپیان دي -------------------------------------------------- د غزې روغتیا وزارت وايي، نن سهار د پرون ورځې د لاریون یوه تن ټپي د ژورو ټپونو له امله ساه ورکړه چې له دې سره دجمعې ورځې لاریون د شهیدانو شمېر ۳ تنو ته لوړ شو. متن - منځ : پرون د غزې زرګونه تنه فلسطینیان د بېرته ستنېدو ستر لاريون کې د ګډون لپاره د اسرائیل پولې ته ورټول شوي وو چې د تېر په څېر اشغالګرو عسکرو يې پر وړاندې زیاته زور کارونه کړې ده. د اشغالګرو په ډزو ۳۰۷ تنه فلسطینیان ټپیان شوي هم دي چې د ځینو يې ټپونه ژور ښودل شوي دي. د روغتیا وزارت وايي، په شهیدانو کې یو روغتیا پال شامل دی چې د نورو ټپیانو درملنه يې کوله، په ټپیانو کې هم ۵ روغتیا پالان او دوه خبريالان دي. لاریون کونکو د تېر په څېر ټيرونو ته اور ور اچولی او سوځونکي کاغذبادونه او بالونونه يې د اسرائیل پر لورې خوشي کړي دي. اشغالګرو عسکرو پر لاریونوالو ډزې کړې او اوښکې بهونکی ګاز يې پرې کارولی دی. د بېرته ستنېدو لاریون د تنظیم ملي ادارې پر فلسطینیانو غږ کړی چې په راتلونکې جمعه کې دي هم په لاریون کې ګډون وکړي. دې ادارې هوډ څرګند کړی چې د بېرته ستنېدو لاریونونو ته به دوام ورکوي، تر څو فلسطينی ولس خپل حقونه ترلاسه کړي.