په کابل کې د تبیان د ټولنیزو او کلتوري فعالیتونو د مرکز د مرکزي دفتر له خوا د حضرت زهرا (س) د زوکړې او د ښځو او مور د ورځې او همدارنګه د امام خمیني (رح) د زوکړې په مناسبت د جمعې په ورځ د جدي په ۲۳مه د لسګونو علماوو، استادانو، ښځو، ځوانانو او د ټولنې د بېلابېلو طبقو په ګډون غونډه جوړه شوه.

آوا - کابل: کارپوهانو په دې غونډه کې حضرت زهرا (س) د نړۍ د ښځو په منځ کې تر ټولو غوره مور، میرمن او سیاستواله وبلله او د مسلمانو ښځو د هغې په پیروی یې ټینګار وکړ. دوی همداراز د مسلمانانو په منځ کې د حضرت زهرا (س) د زوکړې د ورځې په نمانځلو ټینګار وکړ.