په جلال اباد کې د بهرنيو ځواکونو پرکاروان ځانمرګی بريد شوی مرګ ژوبله نلري.
پرون ماسپښين شاوخوا درې بجې د بهسودو ولسوالۍ مربوطاتو کې د جلال اباد تورخم لويې لارې په اوږدو کې د کاريز کبير سيمې سره يو مازدا ډوله موټر نه په استفادې د خارجي ځواکونو پر کاروان ځانمرګی بريد شوی .
ولايت مقام ته د امنيتي ادارو او بهرنيو ځواکونو لخوا د ورکړل شويو معلوماتو له مخې بهرنيو ځواکونو افغان ځواکونو ته د مشورې او ټرايننګ ورکولو په موخه يوې سيمې ته تللي وه، چې د بيرته ستنيدو پر مهال د موټر
نه په ګټې اخيستنې دغه بريد رامنځته شو، چې له امله يې د بهرنيو ځواکونو يو موټر زيانمن او ځواکونو ته يې مرګ ژوبله نده اوښتې.
د امنيتي ادارو د معلوماتو له مخې تر اوسه د پېښې محل نه د ملکي خلکو او نورو مسولينو د مرګ ژوبلې خبر ندی ترلاسه شوی.