د ملي امنیت لوی ریاست منسوبینو د یو لړ ځانګړو عملیاتو په ترڅ کې د انسان تښتونو،وژنو او وسله والو غلاوو د ډلې مشر ذکی مشهور په پهلوان ذکي ډکو د یاور زوی، د یادې ډلي له یو تن غړي نثار احمد د محمد عمر زوی سره یو ځای نیولی دی.

ذکي ډکو او د هغه ډله د وژنو په ۲۱ پېښو، وسله والو غلاوو، انسان تښتوونو، ګواښونې، له خلکو څخه په زور د پیسو اخیستلو او اخلاقي فساد کې په لاس لرلو تورن دي، چې د څیړنو پر مهال یې په کابل ښار کې په څو وژنو، انسان تښتونو او وسله والو غلاوو کې لاس لرل منلي دي.

د ملي امنیت لوی ریاست له هغو درنو هېوادوالو څخه چې د دغې ډلې له خوا زیانمن شوي هیله کوي، چې د ملي امنیت لوی ریاست له ۱۹۱۹ شمېرې سره اړیکه ونیسي او خپل شکایت دې ثبت کړي.