دخپریدو نیټه :يکشنبه ۱۵ حمل ۱۳۹۵ ساعت ۱۳:۱۲
د مطلب کود : 124481
ارګ د ځینو ټولنیزو شبکو کاروونکو ته ګواښ کړی
ارګ د یوې اعلاميې په خپرولو سره ویلي، چې د ولسمشر له لوري یو شمېر خپاره شوي فرمانونو او د احکامو متنونه په جعلي ډول جوړيږي او بیا د ځينو له لوري په فېسبوک، ټويټر او نورو پاڼو کې خپريږي.
د افغانستان ولسمشرۍ ماڼۍ د ټولنیزو شبکو ځينو کاروونکي په دې تورن کړی، چې دوی په مستعارو نومونو جعلي پاڼې جوړې کړي او ځينې دولتي اسناد تحریفوي.
ارګ د یوې اعلاميې په خپرولو سره ویلي، چې د ولسمشر له لوري یو شمېر خپاره شوي فرمانونو او د احکامو متنونه په جعلي ډول جوړيږي او بیا د ځينو له لوري په فېسبوک، ټويټر او نورو پاڼو کې خپريږي.
ولسمشرۍ ماڼۍ په خپله خپره کړې اعلامیه کې دغو کاروونکو ته خبرداری ورکړی، چې د دغه غېرقانوني او غېراخلاقي کړنو له امله به تر قانوني تعقیب لاندې ونیول شي.
په افغانستان کې له ټولنیزو شبکو استفاده او د معلوماتو اخیستل په ځانګړي ډول له فېسبوکه ټولنیزې شبکې ګټنه په دې وروستیو کې د پام وړ وده کړې ده.
په دې پاڼو کې هېوادوال په فعال ډول سیاسي او ټولنیزو مسایلو نقد کوي او نورو ته یې خپروي. 
https://avapress.com/vdcfcjdyyw6d0ja.,ziw.html
تبصره پوسټ کړئ
ستاسو نوم
ستاسو دبرېښنا ليک پته